Keshe Qazaqstan Prezıdenti janyndaǵy Ortalyq kommýnıkasııalar qyzmetiniń resmı ókili Altaı Ábıbýllaev jýrnalısterge dástúrli brıfıng ótkizip, aptanyń mańyzdy is-sharalarymen tanystyrdy.
Keshe Qazaqstan Prezıdenti janyndaǵy Ortalyq kommýnıkasııalar qyzmetiniń resmı ókili Altaı Ábıbýllaev jýrnalısterge dástúrli brıfıng ótkizip, aptanyń mańyzdy is-sharalarymen tanystyrdy.
«Qazaqstan Prezıdentiniń baspasóz qyzmetiniń habarlaýynsha, osy aptada Memleket basshysy Nursultan Nazarbaev jumys saparymen elimizdiń soltústik oblystarynda bolady. Sapar aıasynda el Prezıdenti egin jınaý naýqany men aımaqtardaǵy negizgi memlekettik baǵdarlamalardyń oryndalý barysymen tanysady. Al Parlament Májilisiniń Tóraǵasy Nurlan Nyǵmatýlınniń О́kimimen 2 qyrkúıekke el Parlamentiniń qos palatasynyń birlesken otyrysyn shaqyrǵany barshańyzǵa málim. Parlamenttiń V shaqyrylymynyń 3-sessııasyn el Prezıdenti Nursultan Nazarbaev ashyp, depýtattar aldynda zań qabyldaý salasynda jańa negizgi baǵyttardy aıqyndap berý josparlanǵan», dedi A.Ábıbýllaev brıfıngte sóılegen sózinde.
Sondaı-aq, resmı ókil 29 tamyzda álemdik qaýymdastyq Halyqaralyq ıadrolyq synaqtarǵa qarsy is-qımyl kúnin atap ótetinine toqtaldy. «Bul kúnniń basty máni – Qazaqstannyń ıadrolyq qarýdy taratpaý jáne qarýsyzdaný máseleleri jónindegi ustanymyna, sonymen qatar, jekelegen eldermen ıadrolyq synaqtarǵa jan-jaqty túgel qamtıtyn tyıym salý týraly Sharttyń kúshine enýi úshin tez arada ony ratıfıkasııalaýǵa degen úndeýdi kúsheıtý», dedi resmı ókil.
Sonymen qatar, A.Ábıbýllaev aldaǵy aptada Qazaqstan halqy 1995 jyly 30 tamyzda jalpyulttyq referendýmnyń qorytyndysy boıynsha qabyldanǵan Qazaqstan Respýblıkasynyń Konstıtýsııasy – Ata Zańdy qabyldaýymyzdyń 18 jyldyq mereıtoıyn atap ótetinin, osyǵan oraı, 29-30 tamyzda Astanada BUU, Eýropa Keńesi, Eýroodaq, Eýropadaǵy qaýipsizdik jáne yntymaqtastyq uıymy, Venesııa komıssııasy atynan 19 eldiń jáne aldyńǵy qatarly halyqaralyq uıymdar ókilderiniń qatysýymen «Konstıtýsııa – memleket pen qoǵam damýynyń negizgi strategııasy» taqyrybynda ǵylymı-tájirıbelik konferensııa uıymdastyrylatynyn atap ótti.
Bul kúngi brıfıngke sondaı-aq, Bilim jáne ǵylym vıse-mınıstri Murat Orynhanov ta qatysyp, «Qazaqstan-2050» Strategııasynda anyqtalǵan ǵylym damýynyń jańa tarmaqtarymen tanystyrdy. Vıse-mınıstrdiń aıtýynsha, ol tarmaqtardyń birinshisi – joǵary oqý oryndarynyń ǵylymı-zertteý qyzmetin belsendi damytý, ekinshisi – sheteldiń ǵylymı qaýymdastyǵymen birigý, iri halyqaralyq jobalarǵa qatysý, úshinshisi – ǵylymnyń ekonomıkaǵa naqty úlesi, ǵylym men bıznestiń birlestigi, memleket-jeke menshik seriktestiktiń aldyńǵy qatarly tetikterin engizý. Sondaı-aq, Astanada ótetin EKSPO-2017 kórmesine daıyndyqty ǵylymı qamtamasyz etý jumysy da kókeıkesti bolmaq.
«Osynaý iri mindetterdi sheshý úshin birqatar negizgi tetikterdi engizý josparlanýda. Birinshi tetik – ǵylymı kadrlardy daıyndaý sapasyn qatań baqylaýdy engizý. Bul jerde basty róldi joǵary oqý oryndary janyndaǵy doktorantýra, ıaǵnı ǵylymı kadrlardy daıyndaýdyń jańa júıesi atqarady. Ekinshi tetik – jas ǵalymdardy qoldaý. Osyǵan baılanysty materıaldyq yntalandyrý máseleleri ázirlený ústinde. Olar: ǵylymı ataq úshin qosymsha aqy, úzdik zertteýler men ınnovasııalardy engizgeni úshin ǵalymdarǵa Elbasy bekitken ál-Farabı atyndaǵy Memlekettik syılyq. Qoldaýdyń taǵy bir túri jas ǵalymdar úshin jyl saıynǵy konkýrstardy ótkizý úshin granttyq qarjylandyrýdy ártaraptandyrý bolyp tabylady», dedi vıse-mınıstr.
Murat Orynhanov sondaı-aq, úshinshi tetik joǵary oqý oryndarynyń ǵylymyna qoldaý kórsetý ekenin atap óte kele, qazirgi tańda joǵary oqý oryndarynyń ǵylymy ǵylymı qyzmet qatysýshylarynyń jalpy sanynyń 67 paıyzyn quraıtynyna toqtaldy. «Bul óz kezeginde, sapaly bilim alý úshin jańa bilimdi qurýdyń mańyzdy qory bolyp tabylady. Al tórtinshi tetik – elge jańa zııatkerlik kúsh-qýat tartý. Bul tájirıbe Ońtústik-Shyǵys Azııa, Qytaı, Kanada, AQSh elderinde, jalpy alǵanda, ınnovasııalyq damý jaǵynan kóshbasshy elderde qoldanylady. Besinshi tetik – otandyq zertteýshilerdiń tanymal reıtıngilik jýrnaldarda jarııalaný belsendiligin materıaldyq yntalandyrý. Jalpy alǵanda, besinshi tetik kadrlyq áleýetti arttyrýǵa, álemdik deńgeıdegi kókeıkesti zertteýler júrgizetin básekege qabiletti ǵalymdardy qoldaýǵa baǵyttalǵan. Altynshy tetik – ǵylymı-zertteýshilik qyzmet salasynda halyqaralyq áriptestikti damytý. Qazirgi tańda 30 elmen ekijaqty negizdegi ha