О́tken jyly London Olımpıadasyna Aqtóbeden sportshy qatysa almasa da, bokstan tóreshi barǵan edi. Ol — Rahymjan Rysbaev. Rahymjan — Qazaqstannan barlyq sport túrleri boıynsha tórelik etken jalǵyz adam. Aqtóbelik arbıtr 2010 jyly Azııanyń úzdik tóreshisi atandy. Al kelesi jyly Halyqaralyq boks federasııasy (AIBA) «Álemniń úzdik tóreshisi» dep tanydy.
О́tken jyly London Olımpıadasyna Aqtóbeden sportshy qatysa almasa da, bokstan tóreshi barǵan edi. Ol — Rahymjan Rysbaev. Rahymjan — Qazaqstannan barlyq sport túrleri boıynsha tórelik etken jalǵyz adam. Aqtóbelik arbıtr 2010 jyly Azııanyń úzdik tóreshisi atandy. Al kelesi jyly Halyqaralyq boks federasııasy (AIBA) «Álemniń úzdik tóreshisi» dep tanydy.
BOKSShY
Rahymjan Rysbaev 1978 jyly Aqtóbe oblysy, Shalqar aýdanynyń qazirgi Qaıdaýyl stansasynda, № 12 gaz-kompressor stansasynda dúnıege kelgen. Aýyldaǵy mektepte oqyp júrdi. Onda boks degen óner burynyraqta da bolǵan. Biraq 1990 jyly Qaraǵandy pedagogıkalyq ınstıtýtyn bitirip kelgen dene shynyqtyrý pániniń jas mamany Ádil Basyǵaraev seksııa ashyp, qudiretti sportqa erekshe kóńil aýdardy. Shákirtter tárbıeleı bastady. Sol shákirtterdiń biri Rahymjan edi.
– Aldymen, boksqa qalaı kelgenińnen bastaıyq.
– Ádil aǵaı seksııa ashty. Qatysqanyma bir aı da tolǵan joq, 1991 jyldyń kúzinde Aqtóbede jasóspirimder arasynda oblys birinshiligi ótetin boldy. Jarysqa qatty barǵym keldi, óıtkeni, qalany kórgim keldi. Sodan № 2 BJSM zalynda ótken chempıonatta birinshi ret rıngke shyqtym. Qarsylasym qandyaǵashtyq Álimjan Tursynbaev boldy. Álimjan sol kezdiń ózinde sport sheberligine kandıdat eken. Jeńilip qaldym. Biraq jasyǵan joqpyn. Qaıta sportshy bolsań jer kóresiń, jańa dostarmen tanysady ekensiń degen oı meni qyzyqtyra tústi. Sodan bokspen dendep shuǵyldana bastadym. Sol jyly jeltoqsanda Qandyaǵashta jarys ótti. Sol týrnırde alǵash ret jeńimpaz retinde qolym joǵary kóterildi. Sondaǵy sezimdi, qýanyshty aıtsańshy!
Ol kezde aýyldaǵy gazshylardyń balalary Aral teńizi jaǵalaýyna baryp dem alatyn. 1992 jyly jazda Ádil aǵaı boksqa qatysatyn birneshe balany Aralǵa aparyp, dem aldyrdy. Aǵaıymyz teńiz jaǵasynda da jattyǵýdy jalǵastyrdy. Sol jyly qazan aıynda Aqtóbede oblys chempıonaty ótip, birinshi ret oblystyń chempıony atandym. Bul maǵan jigerime jiger qosyp, qanattandyrdy.
1995 jyly mektepti bitirgennen keıin Aqtóbe ındýstrııalyq-pedagogıkalyq tehnıkýmyna oqýǵa tústim. Ádil aǵaı da Aqtóbege otbasymen kóship keldi. Sondaı-aq, menen kishi eki-úsh shákirtin ala kelip, Aqtóbe daryndy balalar mektep-ınternatyna ornalastyrdy. Bárimiz «Lokomotıv» sport zalynda jattyǵa bastadyq. Sol kezderi Galıb Jafarov, Álimjan Tursynbaev – bárimiz birge daıyndaldyq.
1999 jyly Aqtóbede Baýyrjan Aqsholaqov atyndaǵy týrnır ótti. Sol jarysta fınalda keıin kásibı boksta tamasha tabystarǵa jetken Andreı Eskınmen kezdesip, upaı sanymen jeńilip qaldym. Jasym bolsa 21-ge keldi. Ol ýaqyt qıyndaý boldy ǵoı. Qarajat joq, jarystarǵa bara almaısyń. Sodan qolǵapty shegege ilýge týra keldi. Bir jaǵynan ata-anama qashanǵy salmaq salaıyn, jumys isteý kerek dep túıdim.
JATTYQTYRÝShY
– Ádette úlken sportpen qosh aıtysqandar jattyqtyrýshylyqqa barady ǵoı...
– Mende de solaı boldy. Alǵash túrli jumystar istep júrdim. Sodan 2001 jyly Ádil aǵaıym «Lokomotıv» sport zalyna jattyqtyrýshylyqqa shaqyrdy. Ol kezderi Azat Qazıhanov, Asqar Aıjaryqov, Asylan Boranqulov, Qanat Mahatov sııaqty jaqsy boksshylar boldy. Osy jigitterdi jarystarǵa alyp baryp júrdim. Biraq kóńilim basqaǵa aýdy da turdy.
– Tóreshilikke bolar?
– Iá, dál solaı.
TО́REShI
– Sonymen tóreshilik qalaı bastaldy?
– 2001 jyly naýryz aıynda Aqtóbede olımpıadalyq oıyndardyń chempıony Bekzat Sattarhanovt