Nesin jasyraıyn, jańa oqý jyly aldynda balalarymdy mektepke daıyndaý kezinde qatty qysylatyn jandardyń birimin. Ulym men qyzymdy qurby-qurdastaryndaı jarqyratyp kıindirip, oqýlyqtaryn túgendep, sómkelerin toltyryp, mektepke kóterińki kóńil-kúımen barýlaryna jalǵyzilikti ana retinde jaǵdaıym kele bermeıdi. Osyny biletin bolý kerek, keshe ózderi oqıtyn Islámııa Sattarov atyndaǵy №57 mektep-lıseıge shaqyrylyp, úıge qýanyp qaıtty. Onda men sııaqty otbasy oqýshylaryna kıim, oqý qural-jabdyqtary syılanǵan eken. «Mektepke jol» aksııasy boıynsha balalarymmen synyptastardyń ata-analary Berden Basharov, Nurjamal Kelimbetova, Erbol Buqarshınderdiń oqýshyǵa ne kerektiniń bárin tartý etýi kóńilimizdi ósirip tastady. Bir men ǵana emes, áleýmettik jaǵdaıy álsizdeý basqa da otbasylar shákirtterine osyndaı qamqorlyq kórsetildi. Shynaıy izgilik beıil shýaǵyna bóleýshi osyndaı keń júrekti jandarǵa analyq aq alǵysym sheksiz. Solardyń arqasynda balalarym mektebine qýanyp baratyn boldy.
Halqymyzǵa tán bir-birimizge degen qamqor kóńilge jańasha jarasym taptyrǵan atalǵan shara jaqsylyǵyn umytpaq emespiz.
Maqpal METJANOVA.
QARAǴANDY.