Keshe Qazaqstan Respýblıkasynyń Prezıdenti Nursultan Nazarbaev Qyzyljar óńirinde jumys saparymen boldy. Elbasy oraq naýqanynyń barysymen tanysyp, agroónerkásip kesheni salasy ókilderimen kezdesti.
Keshe Qazaqstan Respýblıkasynyń Prezıdenti Nursultan Nazarbaev Qyzyljar óńirinde jumys saparymen boldy. Elbasy oraq naýqanynyń barysymen tanysyp, agroónerkásip kesheni salasy ókilderimen kezdesti.
EGINShILIK SALASYN ÁRTARAPTANDYRÝ
Agroónerkásip kesheni aldynda turǵan keleli máselelerdiń biri retinde atap kórsetildi.
Aıyrtaý aýdanynyń Seıilbek Mahmetov basqaratyn «Zlatogorka» JShS egin oraǵy sekildi asa jaýapty naýqanǵa bir kisideı kirisip, eńbek kórigin qyzdyra túsken. Munda 9800 gektar egistiktiń 4 myń gektaryna maıly daqyldar sebilgen. Bıdaı alqaptarynyń shyǵymdylyǵy 30 sentnerden aınalyp otyr. Osynda atbasyn tiregen Elbasy dańǵaıyr dıqan basqaratyn ujymnyń mańdaı termen ósirgen el rızyǵynyń sapasyna kóńil aýdaryp, rızashylyq sezimin jasyrmady. Budan keıin oblystyń aýylsharýashylyǵy qurylymdary basshylarymen kezdesip, bıyl da astyqty ólkede ónimniń bitik shyqqanyn, endigi basty mindet ysyrapsyz jınap alý ekendigin atap kórsetti. Sosyn óńir basshysy Samat Eskendirov oblystyń áleýmettik-ekonomıkalyq damý jaǵdaıyn baıandady.
Memleket basshysynyń «Qazaqstan-2050» uzaq merzimdi Strategııasyn basty baǵdar retinde alǵan soltústikqazaqstandyqtar áleýmettik-ekonomıkalyq damýdyń negizgi kórsetkishteri boıynsha júıeli jumystar atqaryp keledi. Agroónerkásip kesheniniń damýynda oń serpin baıqalady. Búginderi eksportty ártaraptandyrýǵa jáne turǵyndardy jumyspen qamtýǵa jol ashyp otyrǵan aýyl sharýashylyǵy negizgi tabys kózderiniń biri bolyp sanalady. Oblys turǵyndarynyń jartysynan kóbi aýyldyq jerlerde turatyndyqtan, bul salany údemeli túrde alǵa bastyrýdyń áleýmettik te, ekonomıkalyq ta mańyzy zor. Bıyl «Dıplommen – aýylǵa!» baǵdarlamasy aıasynda eldi mekenderge 156 jas maman tartylyp, túgeldeı kóterme járdemaqymen qamtyldy. Olar turǵyn úılerdi jyldyq 0,01 paıyz jeńildikpen alý quqyǵyna ıe. Agrarlyq sektordaǵy jetistikter, eń aldymen, memlekettiń agrarlyq keshendi qýatty qoldaý saıasatymen tyǵyz sabaqtas. Osydan-aq astyq óndirisi oblys ekonomıkasynyń basty kórsetkishine aınalǵanyn baıqaý qıyn emes. Onyń ústine álemdik astyq rynogynda uzaq merzimdi suranystyń artý úrdisi eksportqa baǵyttalǵan astyq óndirisin damytý qajettigin alǵa tartady. Ústimizdegi jyly óńir dıqandary 3,6 mıllıon gektar alqapqa bitik egin ósire bildi. Eginshilik mádenıetin arttyrý jáne tehnıkalyq qaıta jaraqtandyrý boıynsha qarqyndy sharalar atqaryldy. 3,5 mıllıon gektardan astam jerge dándi daqyldar ósirýdiń jańa resýrs únemdeý tehnologııasy ıgerildi. 8,7 mıllıard teńgege 658 birlik osy zamanǵy tehnıkalar satyp alyndy. Árbir tórtinshi tehnıka lızıng shartymen ákelindi. Agroqurylymdardy astyq saqtaıtyn syıymdylyqtarmen qamtamasyz etý jaıy jan-jaqty oılastyrylǵan. Syıymdylyǵy 39 myń tonna bolatyn eki elevator paıdalanýǵa berilse, jyl aıaǵyna deıin 150 myń tonnalyq 8 astyq saqtaý nysandaryn iske qosý josparlanǵan.
Eginshilik pen mal sharýashylyǵyna bólinetin demeý qarjy kólemi jyl saıyn artyp keledi. 2013 jyly bıýdjetten aýyl sharýashylyǵyna qarastyrylǵan qarajat 27 paıyzǵa kóbeıip, 9,8 mıllıard teńgege jetken.
Alqaly jıynda Aýyl sharýashylyǵy mınıstri Asyljan Mamytbekov eginshilik pen mal sharýashylyǵyna qatysty máselelerdi, sýbsıdııalaýdaǵy ózgeristerdi, onyń ishinde jergilikti qazyna esebinen ınvestısııalyq qarjylandyrýdyń tıimdiligin áńgimeledi. Iri sharýashylyq jetekshileri Erkebulan Mámbetov, Serik Malaev jáne Ivan Fısenko Otan qambasyna Qyzyljardyń sapaly astyǵy quıylatynyna sendire otyryp, jan-jaqty qoldaýy úshin Elbasyǵa rızashylyq sezimderin jetkizdi.
Men óz Joldaýlarymda aýyl sharýashylyq óndirisin arttyryp, jańa sapalyq deńgeıge kóterý máselelerin únemi qozǵap kelemin. Jańa tehnologııalardy keńinen qoldana otyryp, egistik túsimin eleýli túrde arttyrýǵa bizdiń qabiletimiz de, tájirıbemiz de, qarjylyq kúshimiz de jetedi. Oǵan sizderdiń bıyl mol astyq ósiri