Ál-Farabı atyndaǵy QazUÝ-dyń uıymdastyrýymen ótetin respýblıkalyq baıqaý segiz jyldan beri búkil eldi qamtıtyn eleýli alańǵa aınaldy. Baıqaý jastardyń patrıotıottyq sezimin bıikke kóterip, azamattyq jaýapkershiligin arttyryp, ıntellektýaldy jáne shyǵarmashylyq áleýetin damytýǵa baǵyttalǵan, dep habarlaıdy ýnıversıtettiń Baspasóz qyzmetinen.
Baıqaý baǵdarlamasyn dástúrli túrde úzdik stýdenttik ınnovasııalyq jobalar nomınasııalary, «Elimizdiń ınnovasııalyq damýyna qosqan meniń naqty úlesim» taqyrybyndaǵy startap, «Kaıyrymdy qoǵam» áleýmettik jobasy, sonymen qatar «Men óz elimniń órkendeýi úshin ne isteı alamyn?» atty úzdik esse, patrıottyq taqyryptaǵy poezııalyq shyǵarmalar men ánder baıqaýlary qamtıdy.
Alǵashqy irikteý kezeńi osy jyly sáýirdiń 10 men 30 aralyǵynda qashyqtyq rejımde ótedi. Onlaın tirkelýden keıin qatysýshylar vıdeorolıkteri men óz jumystaryn elektrondy túrde uıymdastyrý komıtetine joldaýlary qajet.
Ýnıversıtet prorektory Sh.Jamanbalaeva uıymdastyrý komıtetine jyl saıyn elimizdiń ár óńirindegi stýdentterden 2 myńnan asa ótinim kelip túsedi. Baıqaý fınaly 2020 jyldyń qarashasynda ál-Farabı atyndaǵy QazUÝ-da VIII «Men jastarǵa senemin!» forýmy aıasynda ótedi. Qatysýshylar óz jobalaryn taqyryptyq seksııalar otyrysynda tanystyryp, qorǵaı alady.
Baıqaý qatysýshylarynyń jumystaryn obektıvti baǵalaýdy táýelsiz qazylar alqasy qamtamasyz etedi. Jeńimpazdar qundy syılyqtar jáne dıplomdarmen marapattalady. Úzdiktiń eń úzdigi bas júlde – ál-Farabı atyndaǵy QazUÝ-da bir jyl tegin oqý grantyna ıe bolady. Onlaın daýys berý qorytyndysy boıynsha kórermender kózaıymy syılyǵy da beriledi.
Baıqaýǵa qatysýǵa ótinim berý, irikteý kezeńiniń barysyn qadaǵalaý, sonymen qatar onlaın daýys berýge qatysý úshin www.kaznu.kz saıtynda tirkelýge bolady.
ALMATY