Álemdegi eń iri jaıaý júrginshiler shekarasy jabyldy. Dúnıe júzinde koronavırýstyń órshýi Meksıkadan Amerıkaǵa kelip jumys isteıtin mıllıondaǵan meksıkalyqtardyń tabys tabýyna keri yqpal etti.
Reuters málimetterine súıensek, bul jaǵdaıdan 3144 shaqyrymǵa sozylyp jatqan shekara mańyndaǵy qalalarda turatyn kem degende mıllıonnan astam meksıkalyqtar zardap shegip otyr. Saldarynan zańdy vıza alý, otbasyna barý, medısınalyq jáne saýda-sattyq qyzmetteri qoljetimsiz bolyp qaldy. Budan ásirese aýyl sharýashylyǵyna qatysty ónerkisipter zııan shegip otyr. Shekaradan ótý kartalaryn resmı ıelenýshiler Tıhýan, Nogales, Sıýdad-Hýareste kóptep sanalady. Eki el arasynda ruqsat kartasyn paıdalanbaı zańsyz ótetinderdiń kóptigin ımmıgrasııalyq qyzmet ókilderi de rastap otyr. Al AQSh-tyń Memleket departamentiniń málimeti boıynsha 2015 jyldan bergi aralyqta 10 jyl merzimge 4 mıllıonnan astam kartalar ázirlengen. Pandemııa kezeńine deıin ótken jyly kedendik jáne shekaralyq baqylaý agenttiginiń derekteri boıynsha Meksıkadan AQSh-qa kúndelikti 950 000 adam ótip otyrǵan.