Aqparat jáne qoǵamdyq damý mınıstri Dáýren Abaev tótenshe jaǵdaı erejelerin saqtaǵan jaǵdaıda eldegi karantın erterek aıaqtalatynyn aıtty.
«Árbirimiz úıde bolýymyz kerek. Osy erejeni neǵurlym durys jasasaq, karantın de soǵurlym tez aıaqtalady. Qazir karantındi uzartý týraly aıtý erte. Eshkim epıdemııalyq jaǵdaıdyń qalaı bolatynyn naqty aıta almaıdy. Biraq biz barlyǵyna daıyn bolýymyz kerek», dedi Dáýren Abaev.
Onyń aıtýynsha, Memleket basshysynyń keshegi málimdemesinde aıtylǵan barlyq sharalar jaǵdaı kúrdelenip ketse de tynyshtyq pen turaqtylyqty saqtaýdyń kepili bolmaq.
«Ol úshin bizde qajetti sharttardyń barlyǵy jasalǵan. Memleket basshysy tapsyrmasy boıynsha naqty jumys jospary men Ulttyq qorda jınalǵan qarajat bar. Osy rette qorǵa qarajat jınaý týraly sheshim Elbasy kóregendiginiń taǵy da bir dáleli dep aıtýǵa bolady», dedi mınıstr.