Qazir Qyzylordada oblys ortalyǵy men Jańaqorǵan, Shıeli, Qarmaqshy aýdandarynan indet juqtyrǵandar anyqtalyp otyr. Vırýs belgisi basqa óńirlerden bilinbeýi úshin tazalyq jumystaryna barynsha kóńil bólinýde. Solardyń qatarynda Aral aýdany aýmaǵynda halyq kóp shoǵyrlanatyn oryndarda zalalsyzdandyrý jumystary qarqyndy júrip jatyr.
Búgin ortalyq bazar mańy men aıaldamalarda, bankomattar men memlekettik mekemeler mańyna zalalsyzdandyrý sharalary kezekti ret jasaldy.
Aýdan ákimi Muhtar Orazbaev dezınfeksııalaý jumystary jasalyp jatqan aımaqtarda bolyp, sanıtarlyq-epıdemıologııalyq sharalardyń barysyn qadaǵalady. Tıisti sala basshylaryna jumysty tııanaqty júrgizý qajettigin tapsyrdy.
Aldaǵy ýaqytta da sanıtarlyq-dezınfeksııalyq jumystar turaqty júrgiziletin bolady.