DDSU basshysy Tedros Adhanom Gebreıesýs koronavırýstyń jyldam taralýyna baılanysty sońǵy bes aptanyń ishinde vırýsqa shaldyqqandardyń sanynyń mılıonnan asyp, qaıtys bolǵandar sanynyń da kóbeıip jatqanyna alańdaýshylyǵyn bildirdi.
DDSU basshysy Afrıka, Ortalyq Azııa, Ońtústik Amerıka elderinde vırýsqa shaldyqqandardyń sany aıtarlyqtaı kóp bolmaǵanymen de, onyń áleýmettik, ekonomıkalyq jáne saıası saldarǵa soqtyrýy múmkin ekendigin atap ótti. Sondyqtan da bul aımaqtarda synama jasaýdy jedeldetip, aýyrǵandardy emdeýge kómektesý kerek.
Asharshylyqpen kúres jáne álem jurtshylyǵynyń asa qajetti suranysyn qamtamasyz etýge shaqyrǵan DDSU basshysy mysaly Úndistanda osy maqsattarǵa bólingen 24 mlrd dollardyń 800 mıllıony azyq-túlikke, 204 mıllıony az qamtylǵan áıelderdi qoldaýǵa jumsalatyndyǵyna toqtaldy.
Kóptegen damyǵan elder osyndaı áleýmettik baǵdarlamalardy engizýge múmkindigi bar. Sondyqtan da ár memleket óz turǵyndary úshin qarjy jeńildikterin qarastyrýy qajet, dep atap ótken DDSU basshysy Dúnıejúzilik bank pen Halyqaralyq valıýta qoryn osyndaı belsendilikke shaqyrdy.