Keshegi keńestik dáýirde Aýǵanstan jerinde Odaq áskerleriniń on jyldan astam bolýy talaı bozdaqtyń ómirin jalmap, talaıynyń taǵdyrlaryn tas-talqan etkeni belgili. Otan aldyndaǵy boryshyn abyroımen atqarǵan sardarlar men sarbazdar erligi qashanda el esinde. Olarǵa kórsetiler qurmet te erekshe. Sonyń biri – elordada elimiz Konstıtýsııasy kúni merekesine oraı Aýǵan soǵysy ardagerlerimen ótken kezdesý boldy.
Keshegi keńestik dáýirde Aýǵanstan jerinde Odaq áskerleriniń on jyldan astam bolýy talaı bozdaqtyń ómirin jalmap, talaıynyń taǵdyrlaryn tas-talqan etkeni belgili. Otan aldyndaǵy boryshyn abyroımen atqarǵan sardarlar men sarbazdar erligi qashanda el esinde. Olarǵa kórsetiler qurmet te erekshe. Sonyń biri – elordada elimiz Konstıtýsııasy kúni merekesine oraı Aýǵan soǵysy ardagerlerimen ótken kezdesý boldy.
Aýǵan soǵysy ardagerleri qoǵamdyq birlestigi uıymdastyrǵan ıgi sharada atalǵan birlestiktiń tóraǵasy, Halyq Qaharmany, general-leıtenant Baqytjan Ertaev ardagerlerdi mereıli mereke – Ata Zań kúnimen quttyqtap, olarǵa jas býyndy patrıottyq turǵyda tárbıeleýde eńbek ete berýlerine tilektestigin bildirdi.
«Erteńgi el bolashaǵy jastar ekeni aıqyn. Olardy otansúıgish etip tárbıeleýde Aýǵan soǵysy ardagerleriniń atqarar mindeti zor. Keıingi jastar úlgini osy sizderden alady», dedi Parlament Májilisiniń depýtaty Baqytjan Ertaev. Sondaı-aq ol Aýǵan soǵysynyń tarıhy áli tolyq jazylyp bitpegenin jáne osy rette patrıottyq kınolardyń joqqa tán ekenin nazardan tys qaldyrmady. Aýǵan soǵysy ardagerleri mártebesiniń kerektigin qaperge salǵan Halyq Qaharmany óz kezeginde TMD-nyń keıbir elderinde ardagerlerge berilgen jeńildikter burynǵy qalpynda saqtalyp qalǵanyn jetkizdi.
Basqosý sońynda ardagerlerge «Qazatomprom» kompanııasynyń demeýshiligimen aqshalaı syılyqtar tabys etildi.
Ábdirahman QYDYRBEK,
«Egemen Qazaqstan».