Qostanaı oblysynda búgin túnde bastalǵan qarly boran áli tolastar emes. Tańerteń aqtútek boran odan saıyn kúsheıe túsip, oblys ortalyǵynda kólik qozǵalysy men jaıaý júrginshilerdiń júrip-turýy qıyndady.
О́tken aptada ǵana kún kúrkirep, jańbyr jaýǵan. Artynsha júrgizýshilerdiń kóbi kólik dońǵalaqtarynyń qysqy rezeńkesin sheship tastaǵan. Polısııanyń málimetinshe, kúre joldardyń boıynda kólikter tizginge baǵynbaı, jol shetine aýyp ketip jatyr.
Kún raıynyń kúrt buzylýyna baılanysty aımaqtaǵy barlyq kólik joldary jabylǵan. Kúre joldarǵa arnaıy tehnıka shyǵyp, qar arshý, jolda qalǵandardyń bar-joǵyn anyqtaý jumystarymen aınalysyp jatyr.
Kúshti boran oblys ortalyǵyndaǵy elektr jelileriniń turaqty jumys isteýine de kedergi keltirýde.
Qostanaı oblysy