Sırııa astanasy Damaski qalasynyń mańynda úkimet áskeri men qarýlanǵan oppozısııa qurylymdary arasynda sońǵy kúnderi qııan-keski urystar oryn alýda. Bul týraly ITAR-TASS habarlady.
«Al-Vatan» aqparat qyzmetiniń málimdeýi boıynsha, Sırııa áskeri Kýdsı men El-Hamm eldi mekenderindegi arnaıy is-sharalaryn sátti júrgizip, Damaskiniń soltústik-batysyndaǵy aýdandardy óz baqylaýlaryna aldy.
«Djebhat an-Nýsra» tobynyń terrorısteri Lıvan shekarasynyń mańynda qorshaýǵa alynyp qaza tapty. Sırııa áskeri «Dýmeır-Adra» tas jolynan ótip bara jatqan sodyrlardy toqtatyp, 40-tan asa ekstremıstiń kózin joıdy.
«As-Safır» gazetiniń málimdeýinshe, Sırııa qarýly kúshteri Iordanııa aýmaǵyndaǵy arnaıy lagerlerde daıyndyqtan ótken 300-ge jýyq sodyrdyń kózin joıǵan. Olardyń arasynda Saýd Arabııa, Lıvııa, Iordanııa memleketteriniń jalshylary da bar kórinedi.
Damaskiden soltústikke qaraı 165 shaqyrym jerde ornalasqan El-Farkales qalashyǵyndaǵy baqylaý beketiniń janynda eki sodyr avtokólikterdi jaryp, nátıjesinde eki áskerı qyzmetker qaza tapty. Oqıǵa saldarynan beıbit turǵyndar, olardyń ishinde eki bala jaraqat aldy.
Aıdar О́risbaev.