Keshe Memleket basshysy Nursultan Nazarbaev elordadaǵy №64 mektep-lıseıinde bir top oqýshylarmen kezdesti. Bilim kúnine baılanysty ótkizilgen bul is-sharada Elbasy oqý baǵdarlamasyna engizilgen «Qazaq eli» pániniń alǵashqy sabaǵyn ótkizdi. Atalǵan pánniń mańyzyn jetkinshekterge jan-jaqty túsindirip, el damýynyń basym baǵyty sapaly bilimmen ólshenetinin qadap aıtty. Elimiz qolǵa alyp, iske asyryp jatqan baıandy baǵdarlamalar men órkendeý jolyndaǵy mańyzdy mindetterdi de nazardan qaǵys qaldyrmady. Búgin, mine, Elbasy sóz etken máselelerge ustazdar men oqýshylar ózindik únin qosyp otyr.
Gúlnar Parmanova,
Shymkent qalasyndaǵy Qazybek bı atyndaǵy №36 orta mekteptiń muǵalimi
Maǵan eń aldymen,Prezıdent Nursultan Nazarbaevtyń balalarmen emen-jarqyn sóılesip, ashyq áńgimege shaqyrǵany qatty unady. Sol-aq eken, balalar da ashylyp sala berdi...Muǵalim únemi izdenis, oı ústinde júretin halyq ǵoı. О́z basym gazet, jýrnal betterinde jaryq kórgen jaqsy maqalalardy saqtap, ishindegi unaǵan oılardy, sózderdi qoıyn dápterime túrtip júretinim bar. Osy joly da Elbasynyń aıtqan maǵynaly sózderin jazyp aldym. «Adamnan barlyq nárse tartyp alynýy múmkin. Biraq, bilimiń men kásibiń bolsa, ony senen eshkim tartyp ala almaıdy» dep aıtqany júregimniń tórinen oryn aldy. Jalpy Memleket basshysy eldiń qazirgi jaǵdaıyn, aldaǵy baǵytymyzdy, júrip ótken jolymyzdy, ásirese, jastardyń patrıot bolyp ósýi týraly óte keremet, qarapaıym ǵana tilmen, mysalmen túsinikti qylyp aıtyp berdi. Elbasynyń bul sózi, mysaldary árbir jasqa, bala tárbıelep jatqan árbir ata-anaǵa, árbir muǵalimge úlken oı salyp, ómirlik baǵyt bolatyny aqıqat.
Áıgerim Ábildaeva,
muǵalim,
Ońtústik Qazaqstan oblysy,
Túlkibas aýdany.
«Otandy súıý – ımannan» degen. Júreginde ımany bar adamnyń ary da taza, qoly da taza, eli men jeri úshin aıanbaı, adal qyzmet etedi. Mine, biz jastarymyzdy osylaı tárbıeleýimiz kerek. Elbasynyń astanalyq jetkinshektermen ótken kezdesýinde osy eldik, patrıottyq sezim, eldiń bolashaǵy máseleleri óte jaqsy áńgime boldy. Qazirgi jastardyń talaby taýdaı. Shynynda boıda qýat, kúsh-jiger barda olar taý qoparyp, kóp tirlik tyndyryp tastaǵysy keledi. Ata-ana, muǵalimniń basty mindeti – sol balalarǵa durys baǵyt-baǵdar, tárbıe bere bilý. Iаǵnı, qabiletine qaraı mamandyq tańdaýǵa jaǵdaı jasaýy kerek. Áıtpese, kóptegen jastar ár istiń basyn bir shalyp, ary-beri shapqylap júrgende, birinshiden, altyn ýaqyttaryn ótkizip alady, ekinshiden qolynan kelmeıtin iske kıligip, jigerlerin jasytyp alady. Prezıdent bul kezdesýde osy nárseni dóp basyp, balalardyń sanasyna quıa bildi.
Ajar Boranbaeva
Qostanaı qalalyq bilim bóliminiń
mektepke deıingi sektor ádiskeri
Memleket basshysy Nursultan Nazarbaevtyń Astana qalasyndaǵy №64 mektep-lıseıiniń oqýshylarymen kezdesýin jańalyqtardan kórgende eleń etkenim ras. О́ıtkeni, ózim ádisker bolǵandyqtan balaǵa tárbıe bolatyn sharanyń barlyǵyna qulaq tigip júretinim bar. Jańalyqtardyń artynsha Nursultan Ábishulynyń osy kezdesýin, anyǵyraq aıtsam, balalar aldyndaǵy Eldik sabaǵynyń tolyq nusqasyn keshki astyń barlyǵyn jınap qoıyp, teledıdar aldynda qımyldamaı kórip, tyńdadym. Artynsha ata-analar, áriptesterim telefon soǵyp, habarlasa bastady. Bir qyzyǵy, Elbasynyń oqýshylarmen áńgimesin kóptegen ata-analar balalarymen birge otyryp kóripti.
Bizdiń Prezıdenttiń jurtty úıirip alatyn sheshendik talantyn dúnıejúzindegi saıası qaıratkerler jazyp júr. Men endi Nursultan Ábishulynyń bilimi tereń Ustaz ekenin aıtqym keledi. Oqýshylardyń aldynda ótken áńgimesiniń ár joly balalardyń bolashaqqa baǵdar etetin baǵdarlamasy tárizdi kórindi maǵan. Jalpy, jetkinshekterdiń árdaıym esinde júretin Otan, El, patrıotızm, eldiń tarıhy degen qasıetti sózderdi balanyń uǵymyna týralap aıtyp berdi. Al mundaı kezdesýdi, áserli áńgimeni tómengi synyp oqýshylary ǵumyr boıy umytpaıdy, olardyń tez qabyldaıtynyn bilemin. Men Elbasynyń №64 mektep-lıseı oqýshylarymen ótkizgen osy sabaǵyn oqý baǵdarlamasyna engizip, jyl boıyna ár mekteptegi synyp saǵattarynda balalarǵa qaıtalap kórsetýdi usynar edim.
Amangúl Qaldybaeva,
Aqtóbe qalasyndaǵy №40 orta mektep dırektorynyń oqý isi jónindegi orynbasary
Memleket basshysy Nursultan Nazarbaev №64 mektep-lıseıinde oqýshylarǵa bolashaqtyń kilti bilimde, ǵylymda ekenin aıtyp, elimiz kelesheginiń budan da jarqyn bolatynyna naqty derekter keltirdi. «Men elimizdiń 2050 jylǵa deıingidamý baǵdarlamasyn jarııaladym. Ol 37 jyldan keıin bolady. Bul senderdiń naǵyz kemelderińe kelip, jumys isteıtin shaqtaryń»,- dep Nursultan Ábishuly jastarǵa úlken úmit artatynyn ańǵartty. О́z eliniń patrıoty bolý úshin, sol qoǵamǵa paıdaly is tyndyrý qajettigin alǵa tartty. Barlyq baılyqtyń bastaýy eńbek arqyly keledi degendi uǵyndyrdy. Ol úshin tereń bilim, ultjandylyq qasıet kerek ekenine kóńil aýdardy. Mundaı shynaıy asyl adamzattyq qasıetterdiń mektep pen otbasynan da qalanatyny anyq. Bıyldan bastap engizilgen «Qazaq eli» páni bul baǵyttaǵy sátti qadam boldy.
Ersaıd Júsipov, Qyzylorda oblysy, Shıeli aýdanyndaǵy №159 orta mektebiniń dırektory
Memleket basshysy Nursultan Nazarbaevtyń Astana qalasyndaǵy №64 mektep-lıseıinde oqýshylarǵa oqyǵan dárisin «Egemen Qazaqstan» gazetinen asa úlken iltıpatpen oqyp shyqtyq. Erekshe atap óterligi, bul oqýshylardyń ómirindegi eń bir eleýli oqıǵa retinde qalmaq. Sebebi, Táýelsiz Qazaqstan memleketin qurǵan, damýshy memleketterdiń qataryna qosyp, álemdik bıik derjavalarmen terezesi teń el etken Ult kóshbasshysynan dáris tyńdaý ekiniń birine buıyra bermeıdi.
О́z dárisinde Elbasy «Eńbek etken adam ǵana patrıot. Jalqaýlar patrıot bola almaıdy. О́ıtkeni, patrıot degen uly uǵym. Otandy súıý rámizderden bastalady. Máselen, Memlekettik tý. Álemdik tarıhqa qaraıtyn bolsaq, bir týdyń astyna jınalǵan árbir halyqtyń óz elin qorǵaǵanyn nemese eliniń tynyshtyǵy men beıbitshiligi úshin shaıqastarǵa shyqqanyn kóremiz. Bizdiń Memlekettik týymyzdyń ortasynda shuǵylaly kún, onyń astynda qalyqtap ushqan qyran beınelengen. Týdyń túsiniń kógildirligi halqymyz alǵa qoıǵan maqsattarǵa jetý úshin birigýdiń joǵary jáne ıgilikti ıdeıasy bar ekenin bildiredi. Al juldyzdy shańyraq beınelengen Eltańba ortaq úıimizdiń sımvolyn bildiredi-bul beıbitshilik pen týǵan jerdi qaýip-qaterden qorǵaýdyń ejelgi úlgisi. Patrıotızmdi ultshyldyqpen shatastyrýǵa bolmaıdy. Patrıot-óz elin súıetin jáne ózge memleketterge qurmetpen qaraıtyn adam. Ekinshi dúnıejúzilik soǵystyń qasiretti tájirıbesi patrıotızmnen ultshyldyqqa ótýdiń qaýipti ekenin, sondaı-aq ózge halyqty kemsitpeı, óz elińdi súıý qajettigin naqty kórsetip berdi. Osyndaı baǵdarmen ómir súrý qajet» dedi Prezıdent. Jas urpaqty memleketin súıýge, qurmetteýge, qajet jaǵdaıda qorǵaýǵa úndegen osynaý sózder olardy jigerlendireri haq.
Qanaǵat Muqanov, Aqtóbe oblysy,
Qýraıly aýylyndaǵy orta mekteptiń oqýshysy
Shyny kerek, Memleket basshysy Nursultan Nazarbaevpen kezdesýge barǵan qatarlastaryma qatty qyzyqtym. Ult kóshbasshysyn betpe-bet kórip, salıqaly oılaryn tyńdaý qandaı ǵanıbet deseńizshi ?! Tereń bilimdi bolý, eńbek ete bilýdi aıta otyryp, «О́z elińdi súı, ózge halyqty kemsitpe» degeninen kóp nárseniń baıybyna barýǵa bolady. О́z elińdi súıý degen qurǵaq sezim ǵana emes, sol jolda ónimdi eńbek etý, qoǵamǵa paıdaly is tyndyrý ekenin de túsindire ketti. Sonymen birge, alǵa qoıǵan barlyq mindeterdi oryndaý úshin bilim men ǵylymdy damytý,bilikti kadrlar daıarlaý qajettigin qaperge aldy. «Bul úshin sender, eń aldymen, densaýlyqtaryńa kóńil bólýleriń qajet. Jaqsy densaýlyǵy bar adam ǵana úlken maqsattarǵa jete alady. Al jaqsy densaýlyqtyń kepili-sport. Sportpen aınalysý kerek. Kúnde tańerteń belgili bir jattyǵýlardy jasap úırený kerek. О́zińdi bir qalypty ustap júrý de óner. Sondyqtan bilimge, tabysqa umtylatyn adam osyny umytpasyn», -dep Elbasy oqýshylarǵa jiger berdi. Bul bizge úlken ulaǵat, árıne.
Aınagúl Nurmuhambetova,
Taldyqorǵan qalasyndaǵy daryndy balalarǵa arnalǵan M. Aryn atyndaǵy №24 arnaýly lıseıiniń oqýshysy.
Prezıdentimiz Nursultan Nazarbaevtyń Astanadaǵy №64 mektep-lıseıinde daryndy oqýshylarǵa oqyǵan dárisin teledıdardan tyńdap, gazetterden oqydym. Negizi, el jasampazdyǵyn arttyrý perzenttik paryzymyz. Ol úshin biz sapaly bilim alýǵa umtylýymyz tıis. Sapaly bilim ǵana tyǵyryqtan alyp shyǵady. Máselen, elimiz Keńes Odaǵynan bólinip shyqqanda, jaǵdaıymyz múshkil bolǵan edi. Ekonomıkaǵa naqty saraptama jasaı bilgen mamandarymyz sol qıyndyqtardy jeńýge yqpal etti. Sonyń nátıjesinde barlyq sala boıyna qan júgirdi. Al qazir bizge qolda bar baılyqty tıimdi ıgerý mindeti tur. Degenmen, ony orynsyz paıdalansań, taýsylatyn kezeńi de jetedi. Sondyqtan da balamaly qýat kózderiń qazirden bastap óndeýdi sátti júzege asyrý qajet. Al Elbasy ony kádege jaratý úshin joǵary tehnologııalardy paıdalaný qajettigin atap ótti. Biz endi bilim men ǵylymdy ushtastyrǵanymyz jón.
Erbolat Baqyt,
oqýshy,
Mańǵystaý oblysy.
Memleket basshysy Nursultan Nazarbaevtyń jańa oqý jyly bastalysymen mektep oqýshylarynyń arasyna arnaıy kelgendigi qandaı áserli! Bul bilim berý salasyna, ustazdar men oqýshylarǵa udaıy nazar aýdaryp, kóńil bólip otyratyndyǵynyń dáleli.
«Qazaq eli» pániniń engizilýi óte durys. Sebebi, árkim óz eliniń tarıhyn, mádenıetin, keshegisin tanyp-seziný arqyly ǵana patrıottyq sezimdi qalyptastyra alady, Otandy súıý qajettigin uǵynady. Ádebıet páninen sabaq beretin ustazymnyń «Nursultan Ábishulynyń Qazaq tarıhynda biz uıalatyn eshteńe joq» degen sózi bar» dep aıtqany esimde. Olaı bolsa, biz de babalardyń dástúrin jalǵastyrýǵa, keleshek tarıhty bolashaq urpaq uıalmaıtyndaı etip ornyqtyrýǵa tıistimiz. Jalpy Prezıdent oqýshylar uǵymyna sáıkes sóz saptady. Táýelsiz Qazaqstannyń úzdik elý eldiń qataryna enýin, biraq oǵan turaqtap qalmaı alǵa umtylýyn áserlene tyńdadym. «О́zge elder bizge eski-qusqysyn beretini belgili» degen sózden, bizdiń elimizdiń, ásirese jas urpaqtyń aldynda kóp jumystar, mindetter turǵandyǵyn ańǵardym. Sondaı-aq, kezdesýde jańa tehnologııalardy meńgerý, jańa ekonomıkalyq jaǵdaıda ómir súrý, «EKSPO-2017» kórmesiniń Qazaqstanǵa bereri sekildi aýqymdy máselelermen qatar, kompıýterde uzaq otyrýdyń aparyp soqtyrýy múmkin keleńsizdikteri de ashyp aıtyldy.