Búgingi tańda elimiz, búkil álem qaýymdastyǵy qıyn-qystaý kezeńin basynan keshirip otyr. Álemniń 180-nen astam memleketine qatar jaıylyp, 1,4 mln-nan astam adam juqtyrǵan indet saldarynan jahandyq ekonomıka adamzat tarıhy kórmegen kúızeliske dýshar boldy.
Osyndaı syn-qaterli kezeńde qoǵamnyń aýyzbirshiligi men yntymaǵy, sondaı-aq joǵary tártibi daǵdarystan jedel ári tıimdi shyǵýdyń basty faktoryna aınaldy. Álemdik tájirıbege úńiletin bolsaq, qaterli indettiń keń etek jaıyp taralýyna jol bermegen kóptegen Shyǵys Azııa memleketteri, eń birinshiden, qoǵamnyń joǵary azamattyq jaýapkershiligi men belsendi qoldaýyna arqa súıep, tıisti is-sharalardy ulttyq deńgeıde der kezinde júzege asyrǵan bolatyn. Mine, osy turǵyda Elbasy óziniń maqalasynda Qazaqstan halqyn sabyrǵa, baısaldylyqqa jáne yntymaqqa úndegen bolatyn. О́ıtkeni memleket deńgeıindegi qabyldanǵan sharalardyń tıimdi oryndalýy qoǵamnyń belsendi qoldaýy men tikeleı qatysýyna baıla- nysty.
Sondaı-aq Elbasy atap ótkendeı, osy daǵdarysqa elimiz táýelsizdik jyldarynda iske asyrylǵan memlekettik baǵdarlamalar men bastamalary arqasynda meılinshe daıyndalyp, óziniń ekonomıkalyq, saıası jáne áleýmettik turaqtylyǵyn tıimdi qalypastyrǵan bolatyn.
«Qazaqstan-2050» strategııasy, «Údemeli ındýstrııalyq-ınnovasııalyq damý» baǵdarlamasy, «Bolashaq» baǵdarlamasy sııaqty strategııalyq bastamalar osynyń dáleli. Osyǵan qosa, elimizde uzaq merzimdi qarjylyq turaqtylyqty qamtamasyz etetin, mólsheri 90 mlrd AQSh dollaryna jetetin Ulttyq qor men altyn-valıýta rezervteri bar. Osynyń barlyǵy elimizdiń qıyn-qystaý kezeńnen súrinbeı ótýdiń mańyzdy alǵysharttary men kepili bolyp tabylady.
Sondyqtan qazirgi tańda eń bastysy, elimizdiń tutastyǵyn saqtap, túrli arandatýshy aqparatqa aldanbaı, memleket júzege asyryp otyrǵan baǵyt aıasynda jumylý.
Erlan MÁDIEV,
Tuńǵysh Prezıdent qory janyndyǵy ÁESI sarapshysy