BUU Bas hatshysymen kezdesti

Qazaqstan Prezıdenti Nursultan Nazarbaev G20 sammıti aıasynda BUU-nyń Bas hatshysy Pan Gı Mýnmen kezdesý ótkizdi, dep habarlady Qazaqstan Respýblıkasy Prezıdentiniń baspasóz qyzmeti.

Qazaqstan Prezıdenti Nursultan Nazarbaev G20 sammıti aıasynda BUU-nyń Bas hatshysy Pan Gı Mýnmen kezdesý ótkizdi, dep habarlady Qazaqstan Respýblıkasy Prezıdentiniń baspasóz qyzmeti.

Kezdesýde kóptarapty ózara is-qımyldyń keń aýqymy, sondaı-aq óńirlik qaýipsizdiktiń ózekti máseleleri qaraldy.

Qazaqstan Prezıdenti elimiz BUU-nyń bastamalaryn árdaıym qoldaı otyryp, Uıymnyń qyz­me­tine belsene atsalysyp kele jatqanyn atap ótti.

– Biz birlesip ıadrolyq qarý­syz­daný jáne jappaı qyryp-joıatyn qarýdy taratpaý salasynda kóp ju­mys jasadyq. Sondaı-aq, 29 tamyzdy Iаdrolyq synaqtarǵa qar­sy halyqaralyq is-qımyl kúni dep jarııalaý jónindegi bas­tamamyzdy qoldaǵanyńyz úshin alǵysymyzdy bildiremiz. Buǵan qosa, biz «jasyl ekonomıkany» damytý jónindegi baǵdarlamaǵa belsene atsalysyp, bul baǵyttaǵy jumysty jalǵastyrýdamyz, – dedi Nursultan Nazarbaev.

Memleket basshysy Qazaq­stannyń Almatyda BUU-nyń О́ńirlik ortalyǵyn qurý jónindegi bastamasyn ataı kele, onyń jumysy úshin barlyq jaǵdaı jasalatynyn málim etti.

Qazaqstan Prezıdenti halyq­ara­lyq sıpattaǵy barlyq problema, ásirese, soǵys pen beıbitshilik máselesi halyqaralyq quqyq qaǵıdattarynyń negizinde jáne Uıymnyń qatysýymen sheshilýi tıis ekenin atap kórsetti.

О́z kezeginde Bas hatshy osy kezdesýdiń ótkenine rızashylyǵyn bildirdi.

– Men G20 sammıtine Qazaq­stan­nyń shaqyrylýy eldiń eko­no­mıkalyq damýynyń tabys­ta­ry men jetistikteriniń sóz­siz moıyndalýynyń jáne halyq­ara­lyq bedeliniń artýynyń, sondaı-aq jahandyq ekonomıkalyq má­se­lelerdi sheshýdegi memleket ró­liniń dáleli bolyp tabylady dep esepteımin. Siz Qazaqstan­dy óńirlik qaýipsizdikte mańyz­dy ról atqaratyn elge aınal­dyr­dyńyz jáne buǵan Sizdiń kósh­basshylyǵyńyzdyń arqasynda qol jetkizildi, – dedi Pan Gı Mýn.

Bas hatshy Qazaqstandy Myń­jyldyq maqsattary jetis­tikterimen jáne birqatar aýqymdy ekonomıkalyq mindetterdi sheshýimen quttyqtady.

Sýretterdi túsirgender

S.BONDARENKO, B.OTARBAEV.