Sáni men saltanaty jarasqan Astananyń sáýletti symbatyna erke Esildiń eki jaǵalaýyn jalǵastyratyn kópirler de erekshe ár qosady. Qala kópirleri qos jaǵalaýǵa qatynaıtyn kólik nópirin jeńildetýmen birge, Astananyń ajaryn asha túsedi.
Qalamyzdaǵy «Saryarqa» jáne «M-2» kópirleri bir qatar jyldardan beri kólik qozǵalysynyń utymdy aımaqtary bolyp, bul kópirlerge úlken salmaq tústi.
Sáni men saltanaty jarasqan Astananyń sáýletti symbatyna erke Esildiń eki jaǵalaýyn jalǵastyratyn kópirler de erekshe ár qosady. Qala kópirleri qos jaǵalaýǵa qatynaıtyn kólik nópirin jeńildetýmen birge, Astananyń ajaryn asha túsedi.
Qalamyzdaǵy «Saryarqa» jáne «M-2» kópirleri bir qatar jyldardan beri kólik qozǵalysynyń utymdy aımaqtary bolyp, bul kópirlerge úlken salmaq tústi.
Osynyń saldarynan kópirlerdiń qurylymy jáne negizgi tuǵyrlary, jolǵa tóselgen asfalt qabattary eskirdi. Qalalyq kólik quraldary jáne avtomobıl joldary basqarmasynyń málimdeýinshe, qazir osy kópirlerde qolǵa alynǵan kúrdeli jóndeý jumystary qurylys nysandarynyń tózimdiligi men beriktigin arttyryp qana qoımaıdy, sonymen birge, arhıtektýralyq sáýletin ózgertetin bolady.
«Saryarqa» kópirinde júrgizilip jatqan jóndeý jumystarynyń nátıjesinde 440 tekshe metr uzyna boıy salmaq qaıyrǵysh bóreneler aýystyrylady. Kópirdiń qorshaý betterindegi árlendirý plıtalary granıtpen almastyrylady. 544 metr uzyna boıy tutylǵan bolat qorshaýlar jáne 20 syrtqy jaryq baǵanalary shoıynǵa almastyrylady. Kópirdiń jol qabatyndaǵy 6 myń sharshy metr asfalt-beton jabylǵylary aýystyrylady. Sondaı-aq, kópir ústinde áshekeıli qorshaýlarmen oqshaýlanǵan kórý alańdary jasalatyn bolady.
Jalpy uzyndyǵy 700 metrge sozylǵan «M-2» kópirindegi kúrdeli jóndeý barysynda 2160 metr uzyna boıy salmaq qaıyrǵysh bóreneler almastyrylady. Kópir qorshaýlary granıtpen árlendiriledi. Munda da 1500 metr syrtqy bolat qorshaýlar jáne 30 jaryq baǵanalary shoıynmen almastyrylady.
Osy kúrdeli jóndeý jumystary barysynda bul kópirlerdiń arhıtektýralyq-músindik kompozısııasy múlde ózgertilip, onda qazaq halqynyń baı mádenı tarıhynan mura bolyp qalǵan kóshpendiler órkenıetiniń órnekteri kórinis tabatyn bolady. Kópirlerdi arhıtektýralyq árlendirý jumystarynyń nátıjesinde saqtar dáýiriniń qoldanbaly óner dástúri keńinen paıdalanylmaq.
Máselen, «Saryarqa» kópirine shyǵý baspaldaqtaryna arhıtektýralyq-músindik kompozısııalar ornatylady. Árbir kompozısııanyń negizi shar tektes bıik baǵanalardan turady. Árbir shardyń qasbeti qazaq dalasynyń qaıtalanbas tabıǵatynyń kórinisterimen kórkemdeletin bolady. Shardy aınala qorshaıtyn torkózder jáne jaryq baǵanalarynyń tómengi tuǵyrlary altyn jalatylǵan boıaýlarmen boıalady. Bul sáýlet óneriniń ozyq úlgileri saqtardyń qaıtalanbas ónerin kórsetýmen birge, táýelsiz Qazaqstannyń astanasy qonys tepken Saryarqanyń saltanatyn, ıaǵnı «Altyn dalanyń» qaıtalanbas kórkemdigin pash etedi. Al «M-2» kópiriniń eki jaqtaǵy kireberisine tórt bıik baǵanalar turǵyzylady. Bul baǵanalar da saq mádenıetiniń qoldanbaly ónerimen árlendiriledi. Kópirdiń eki jaǵyndaǵy kireberistegi tórt bıik baǵana Astana qalasyna kiretin saltanatty qaqpa ispettes.
Jylqybaı JAǴYPARULY,
«Egemen Qazaqstan».