Keshe Memlekettik qyzmet isteri agenttiginde Memlekettik qyzmetti jetildirý máseleleri jónindegi saraptamalyq keńestiń onynshy otyrysy bolyp ótti.
Elbasy Parlamenttiń úshinshi sessııasyn ashardaǵy sózinde Qazaqstanda memlekettik qyzmettiń jańa úlgisi jasaqtalǵanyn aıtyp ótken-di. Memlekettik qyzmet isteri agenttiginiń jáne Saraptamalyq keńes tóraǵasy Álıhan Baımenov osy rette qazaqstandyq úlgi eń ozyq damyǵan elder sarapshylary men memlekettik organdarynyń joǵary baǵasyn alyp jatyr degendi basa aıtty.
Keshe Memlekettik qyzmet isteri agenttiginde Memlekettik qyzmetti jetildirý máseleleri jónindegi saraptamalyq keńestiń onynshy otyrysy bolyp ótti.
Elbasy Parlamenttiń úshinshi sessııasyn ashardaǵy sózinde Qazaqstanda memlekettik qyzmettiń jańa úlgisi jasaqtalǵanyn aıtyp ótken-di. Memlekettik qyzmet isteri agenttiginiń jáne Saraptamalyq keńes tóraǵasy Álıhan Baımenov osy rette qazaqstandyq úlgi eń ozyq damyǵan elder sarapshylary men memlekettik organdarynyń joǵary baǵasyn alyp jatyr degendi basa aıtty.Onyń sózine qaraǵanda, memlekettik qyzmettiń jańa úlgisin qalyptastyrý baǵytynda 12 Jarlyq qabyldanyp, taǵy beseýi tıisti organdar tarapynan kelisilgennen keıin Úkimet qaraýyna engizilgen. Sóıtip, memlekettik qyzmet salasynyń zańnamalyq bazasy jan-jaqty jasaqtalyp, áli de jetildiriletin bolady.
Qazirgi tańda memlekettik qyzmet salasynda Qazaqstan álemniń damyǵan elderiniń ýákiletti organdarymen memorandýmdarǵa qol qoıyp, Memlekettik qyzmet isteri akademııasy men Personaldardy basqarý ortalyǵynyń halyqaralyq yntymaqtastyǵy keńeıe túsken. Buqaralyq aqparat quraldary men úkimettik emes uıymdarynyń ókilderi kez kelgen memlekettik organnyń konkýrstyq komıssııalary otyrystaryna baıqaýshy retinde qatysa alady. Budan basqa, laýazymdy tulǵanyń kadrlyq sheshimder úshin jaýapkershiligi arttyrylǵan.
Zańsyz kadrlyq sheshim uǵymy engizilip otyr, dep sózin sabaqtaǵan Saraptamalyq keńes tóraǵasy memlekettik qyzmettegi talanttardy basqarý júıesin qurý kózdelgendigimen de bólise ketti. Sonymen qatar, memlekettik qyzmetshilerdiń jumysyn baǵalaý, olardy oqytý arqyly biliktiligin arttyrý qolǵa alynǵan. Qazan aıynyń basynda «A» korpýsyna jatatyn laýazym ıelerine arnap semınarlar ótkiziledi dep kútilýde. Osy oraıda, memlekettik qyzmetshilerdi testileý júıesi barynsha jetildirilgeni atap ótildi. Aldaǵy aptada testileýdi máselesimen aınalysatyn kompanııa jumysyna kiriskeli otyr eken.
Saraptamalyq keńestiń jumys sheńberinde «Memlekettik qyzmet personalyn basqarýdyń «e-qyzmet» biriktirilgen aqparattyq júıesin (BAJ) qurý týraly» baıandamany Memlekettik qyzmet isteri agenttiginiń Memlekettik qyzmet personalyn basqarý bólimi meńgerýshisiniń orynbasary Ońǵarbaı Dánebekov jasady. Al «Memlekettik qyzmetshiniń elektrondyq pasporty – «e-qyzmet» júıesiniń aqparattyq birligi» jóninde Pavlodar oblysy ákimi apparatynyń «Pavlodar aımaqtyq memlekettik qyzmetshilerdi qaıta daıarlaý jáne biliktiligin arttyrý ortalyǵynyń» dırektory Gúlnara Isenova baıandap berdi.
Jalpy, Saraptamalyq keńes óziniń otyrysynda memlekettik qyzmettiń jańa modelin jetildirý jáne biriktirilgen aqparattyq júıemen barynsha qamtý máselelerin jan-jaqty talqyǵa saldy. Alda da birqatar jumystardyń atqarylary belgili bolyp otyr.
Asqar TURAPBAIULY,
«Egemen Qazaqstan».