Tótenshe jaǵdaı jónindegi memlekettik komıssııanyń 2020 jylǵy 10 sáýirde ótken otyrysynda qabyldanǵan Qazaqstan Respýblıkasynyń Prezıdenti Q.K. Toqaevtyń eldegi tótenshe jaǵdaı rejımin uzartý týraly tapsyrmasyna sáıkes Ulttyq Bank aqsha-kredıt saıasatyn iske asyrý sheńberindegi operasııalar boıynsha shekteýler kezeńin 2020 jylǵy 17 sáýirge deıin uzartý týraly habarlaıdy.
Turaqty qoljetimdi operasııalardy, onyń ishinde «Qazaqstan qor bırjasy» AQ-ta júrgiziletin valıýtalyq svopty jáne REPO-ny, depozıtterdi tartýdy jáne qolma-qol shetel valıýtasymen operasııalardy Ulttyq Bank Nur-Sultan qalasynyń ýaqyty boıynsha saǵat 13:00-ge deıin júrgizetin bolady.
Ashyq naryq operasııalary, onyń ishinde qysqa merzimdi nottardy ornalastyrý boıynsha aýksıon jáne depozıttik aýksıon ádettegi rejımde júzege asyrylatyn bolady.