Almaty oblysynda tótenshe jaǵdaı jarııalanǵan ýaqyttan bastap «Biz birgemiz» aksııasyna úles qosýǵa yntaly adamdar qatary kóbeıýde. Ásirese, mesenattar men qoǵamdyq uıymdar tarapynan áleýmettik az qamtylǵan áýletterge qol ushyn sozýdyń jaqsy úrdisi qalyptasty.
Qaıyrym aqsııasyna Qapshaǵaı qalasynyń kásipkerleri de úles qosyp jatyr. Buǵan deıin yntaly top qaladaǵy 342 otbasyna tegin azyq-túlik taratqan eken. Al kúni keshe qalalyq kásipkerlik bólimi, jumyspen qamtý jáne áleýmettik baǵdarlamalar bólimi, «Nur Otan» partııasynyń Qapshaǵaı qalalyq fılıaly men eriktiler birigip «Biz birgemiz» aksııasyna taǵy ún qosty. Shara barysynda bir kún ishinde 81 otbasyǵa áleýmettik azyq-túlik paketi berilgen.
Mundaı kómekti eń aldymen az qamtylǵan áýletter, múgedekter, jalǵyzbasty qarııalar men kóp balaly otbasylar alyp jatyr.
Almaty oblysy