Kásiptik odaqtar qyzmetin shekteý emes, retteý kerek
Memleket basshysy Nursultan Nazarbaev besinshi shaqyrylǵan Parlamenttiń 3-sessııasyn ashardaǵy sózinde depýtattyq korpýstyń aldyna osy qurylymnyń zań shyǵarýshylyq qyzmetine qatysty qadaý-qadaý mindetter qoıyp, qaralatyn mańyzdy zańdar tizbegin anyqtap berdi. Búgingi tańda jahandy kernegen ahýaldyń áli de aýyr kúıinde ekendigin aıtyp, onyń kúrt ózgeristeri men árkelki úderisteri etek alýy múmkin ekendigin atap kórsetti. Bul úderisti boljaý múmkindigi tómen bolyp otyr. Keshe ǵana bolashaǵy zor dep eseptelip, qarqyndy damyp kele jatqan elder bir-aq sátte ishki alaýyzdyq pen janjaldyń aımaǵyna aınalýda. Áleýmettik problemalar kóptegen damyǵan elderde shıelenisip ketti. Jumyssyzdyqtyń ósýi, halyq tabysynyń tómendeýi, damýdaǵy úılesimsizdik pen kereǵarlyq kóptegen elderde ashyq boı kórsetýde.
Kásiptik odaqtar qyzmetin shekteý emes, retteý kerek
Memleket basshysy Nursultan Nazarbaev besinshi shaqyrylǵan Parlamenttiń 3-sessııasyn ashardaǵy sózinde depýtattyq korpýstyń aldyna osy qurylymnyń zań shyǵarýshylyq qyzmetine qatysty qadaý-qadaý mindetter qoıyp, qaralatyn mańyzdy zańdar tizbegin anyqtap berdi. Búgingi tańda jahandy kernegen ahýaldyń áli de aýyr kúıinde ekendigin aıtyp, onyń kúrt ózgeristeri men árkelki úderisteri etek alýy múmkin ekendigin atap kórsetti. Bul úderisti boljaý múmkindigi tómen bolyp otyr. Keshe ǵana bolashaǵy zor dep eseptelip, qarqyndy damyp kele jatqan elder bir-aq sátte ishki alaýyzdyq pen janjaldyń aımaǵyna aınalýda. Áleýmettik problemalar kóptegen damyǵan elderde shıelenisip ketti. Jumyssyzdyqtyń ósýi, halyq tabysynyń tómendeýi, damýdaǵy úılesimsizdik pen kereǵarlyq kóptegen elderde ashyq boı kórsetýde.
Elbasy osy jaǵdaılardy atap kórsete kele, halyqtyń tirshiligi men turmysyn, eńbek qatynastaryn úılestirýge qyzmet etetin zań jobalaryn qaraýǵa basymdyqtar berdi. Osyndaı zańdardyń biri – «Kásiptik odaqtar týraly» zań jobasy. «Qazaqstandyq kásipodaq qozǵalysyn jańǵyrtý qarqyndy júrýi tıis. Úshinshi sessııa jumysy barysynda «Kásiptik odaqtar týraly» zań qabyldaý qajet. Onyń jobasyn Úkimet taıaý arada engizedi», dep málimdedi Prezıdent.
Jalpy, bul zańnyń mańyzyna Elbasy ótken jyldyń shilde aıynda jarııa etken «Qazaqstannyń áleýmettik jańǵyrtylýy: Jalpyǵa Ortaq Eńbek Qoǵamyna qaraı 20 qadam» atty baǵdarlamalyq maqalasynda jan-jaqty toqtalǵan bolatyn. «Kásiptik odaqtar týraly» Zań 1993 jyly qabyldandy. Onda tipti áleýmettik áriptestik týraly, ujymdyq sharttardy jasaý men oryndaý tetikteri týraly túsinik te joq. Sondyqtan Qazaqstandaǵy kásipodaq ınstıtýttary eńbek daýlarynyń aldyn alý jáne sheshýdiń tıimdi quraldarynyń rólin ár kezderi birdeı atqara almaı kele jatqandyǵyna tańǵalýǵa bolmaıdy. Jaǵdaıdy ishteı jaqsy túsine otyryp, men mynany aıtqym keledi: «Jumysshylar ózderin laıyqty sezinýleri úshin kásipodaqtar qozǵalysy óz bıiginde bolýy tıis», dep atap kórsetken edi.
Elbasynyń osy sózinen keıin Úkimet kásiptik odaqtar ókilderimen, múddeli taraptarmen birlese otyryp, atalǵan zań jobasyn ázirleýdi qolǵa aldy. Osy qujatty ázirleý barysynda ortalyq pen el óńirlerinde arnaıy jıyndar, dóńgelek ústelder, pikirtalas alańdary uıymdastyrylyp, burynǵy zańǵa engiziletin ózgerister men túzetýler aýqymy anyqtaldy. Bul máseleni talqylaýǵa qatysqan kásipodaqtar ókilderi, depýtattar, qoǵamdyq qurylymdar jetekshileri, saıasatkerler men sarapshylar qabyldanatyn jańa zańǵa qatysty óz pikirlerin bildirdi. Máselen, saıası baǵyttaǵy jumystarmen shuǵyldanatyn Gúldana Nurpeıisova «Kásipodaqqa jańa zań qajet pe? Meniń oıymsha, óte qajet. Bul taqyryp qazirgi kúni óte mańyzdy bolyp otyr. Zańǵa qatysty meniń qoıatyn bir talabym – kásipodaqtar tolyq máninde jumys isteýi tıis. Jańalyq degenimiz – umytylyp ketken eskilik. Men kásipodaqtarǵa bir kezderi Keńes Odaǵynda bolǵan mártebesin qaıtaryp berý kerek dep esepteımin. Al ázirge Qazaqstanda mundaı belsendi áreket ústindegi kásipodaq uıymdary qalyptaspaı otyr» dese, zańger Sergeı Ýtkın «Meniń oıymsha, burynǵy zańǵa bálendeı ózgerister engizip qajeti joq. Onda bári durys jazylǵan. Barlyq más