Tuńǵysh Prezıdent – Elbasynyń «Egemen Qazaqstan» gazetinde jarııalanǵan maqalasy taǵy da halqymyzdy jigerlendire tústi. Elbasynyń árbir sózi shyn janashyrlyq pen Otany men eline degen ystyq yqylasqa toly.
Koronavırýs pandemııasynyń saldarynan álem ózgerip, adamzattyq qundylyqtarǵa qatysty oıy ózgerdi. Dostyq, birlik pen janashyrlyq sııaqty qasıetter adamı qatynastyń basty kiltine aınaldy. Álbette, dostyq pen birlik – buǵan deıin de dáriptelip kelgen asyl qasıetter. Bul rette Elbasynyń hakim Abaıdyń ósıetin aıtyp ótkeni tebirentti. Osy oraıda Álisher Naýaıdiń de dostyq týraly óleńderi esime tústi.
Elbasy óz maqalasynda adamı qasıetter tárbıeleýdiń mańyzy týraly taǵy bir ret sóz qozǵady. Oǵan qosa jastarǵa úndeýi onyń jas urpaqtyń taǵdyryna erekshe alańdaıtynyn kórsetti. Búgingi jaǵdaılar men zaman talabyna jastardyń beıimdelýi qıynǵa soǵatynyn túsinip, Elbasy «Birińdi, qazaq, biriń dos, kórmeseń – istiń bári bos» degen Abaı atamyzdyń ósıetin eshqashan esten shyǵarmaýǵa shaqyrdy.
Dana halqyna alǵys bildire kele, árbir qazaqstandyqtyń júregin tebirentip, Qazaqstan halqyn qalaı qadirleıtinin aıtty. «Qazaqstan Respýblıkasynyń eń qymbat qazynasy – adam jáne onyń ómiri. Sondyqtan árqaısymyz ózimizdiń, jaqyndarymyzdyń ómiri men densaýlyǵyna úlken jaýapkershilikpen qaraýymyz kerek», dedi.
Osy aıtylǵandardy qoryta kele, men Elbasynyń oıymen tolyqtaı kelisetinimdi jetkizgim keledi. Biz – bir elmiz, al halqymyzdyń birligi men yntymaǵy jarasqan. Endigi kezekte kezdesip otyrǵan qıyndyqty birlesip, asqan jaýapkershilik tanytyp jeńýimiz kerek. Birligimiz ben birtutastyǵymyzǵa nuqsan keltirmeýimiz kerek. Máńgilik el maqsatyna umtylýymyz qajet.
Sherzod PÝLATOV,
Qazaqstan halqy Assambleıasy Tóraǵasynyń orynbasary