Keshe palata spıkeri Nurlan Nyǵmatýlınniń tóraǵalyǵymen Májilis bıýrosy aldaǵy jalpy otyrystyń kún tártibin belgiledi, dep habarlady osy palatanyń baspasóz qyzmeti.
Palata qaraýyna birqatar ratıfıkasııalyq qujattar ázirlendi. «Qazaqstan – Qytaı» munaı qubyryna qatysty úkimetaralyq kelisimdi ratıfıkasııalaýdy qarastyratyn zań jobasyn talqylaý engizilip, «Táýelsiz Memleketter Dostastyǵyna qatysýshy memleketterdiń adamdardy memleketaralyq izdestirý týraly shartyn ratıfıkasııalaý týraly» zań jobasy boıynsha qorytyndy ázirleý merzimin belgileý usynylyp otyr.
Jalpy otyrystyń kún tártibi jobasyna, sondaı-aq, besinshi shaqyrylǵan Qazaqstan Parlamenti Májilisiniń úshinshi sessııadaǵy ókilettiligin júzege asyrý boıynsha negizgi is-sharalar jospary týraly másele de engizildi. Qujat Elbasy Nursultan Nazarbaevtyń úshinshi sessııanyń ashylýy barysynda júktegen tapsyrmalaryn esepke ala otyryp, «Qazaqstan-2050» Strategııasyna sáıkes ázirlengen.