Sırııadaǵy qarýly toptar halyqqa kómek kórsetip jatqan búkilálemdik uıymnyń qyzmetkerlerin ashyq túrde qorqytýda. Bul týraly BUU gýmanıtarlyq máseleler boıynsha bas hatshynyń orynbasary Valerı Amostyń málimetine silteme jasaǵan ITAR-TASS habarlady.
«Sońǵy kezderi túrli qurylymdar gýmanıtarlyq uıym ókilderine qoqan-loqy kórsetip júr. О́zderińiz biletindeı, bizdiń qyzmetshilerdiń arasynda adam urlaý deregi oryn alǵan. Sırııadaǵy «Qyzyl aı» qoǵamynyń birqatar qyzmetshisi, sondaı-aq BUU-nyń 11 qyzmetkeri sodyrlardyń qolynan qaza tapty», – dep málimdedi BUU shtab-páterinde ótip jatqan baspasóz konferensııasyna beıne jeli arqyly qosylǵan Valerı Amos.
Tamyzdyń ortasynda Amerıkanyń Sı-bı-es telearnasy AQSh memlekettik departamentindegi aqparat kózine silteme jasaı otyryp, «Al-Kaıda» uıymymen baılanysta bolǵan «Irak pen Levanttyń Islamdyq memleketi» toby batystyń gýmanıtarlyq qyzmet ókilderin jazalap nemese tonap ketemiz dep qorqytqany jaıly habarlaǵan bolatyn.
Aıdar О́risbaev.