Men qazir oblys ortalyǵyndaǵy provızorlyq gospıtalda aǵa medbıke bolyp jumys isteımin. Osy salada 21 jyldan beri eńbek etip kelemin. 22 naýryzdan beri úıge qaıtpaı, úzilissiz qyzmet atqarýdamyz. Eki apta jumys istesek, eki apta demalamyz. Qazir ekinshi kezekke shyqtym.
Men 2-toptaǵy qaýiptiligi joǵary medısına qyzmetkerleriniń qataryndamyn. Memleket taǵaıyndaǵan tıesili syıaqyny alyp qýanyp jatyrmyz. Aldyńǵy shepte júrgen aq halattylardyń eńbegin joǵary baǵalaǵan Prezıdentke alǵysym sheksiz. Árıne bul bizdiń mindetimiz bolǵandyqtan eshkimge eshteńe buldamaıtynymyz anyq. Degenmen, eńbektiń elengeni kóńilimizdi kóterdi.
Al tańdaǵan mamandyǵymnyń eldiń ıgiligine jarap, jurtqa kómegimniń tıgenine qýanyshtymyn.
Anar IMANǴAZINA,
Aqtóbe oblystyq ınfeksııalyq aýrýhanasynyń medbıkesi