Men elimiz táýelsizdigin alǵan soń, 1992 jyly Mońǵolııanyń Baıan-О́lgıı aımaǵynan atajurtqa alǵashqy lekpen jetkenderdiń biri edim. Arqalyq qalasynyń irgesindegi «Selınnyı» aýylyna turaqtadyq. О́zimniń mamandyǵym ekonomıst bolatyn. Atajurtqa kósherdiń aldynda mektepte tarıh páninen sabaq berdim. Biraq atajurtqa kelgen soń meniń bilimimmen mundaǵy mektepterde qyzmet isteý múmkin bolmady. Ustazdyq súıikti isim bolsa da, ony amalsyz Selınnyı aýylyndaǵy mal sharýashylyǵyndaǵy, aýyldyq keńestegi jumystarmen almastyrýǵa týra keldi. Al anamyz Darıman Baıseıitqyzy pedagogıka tehnıkýmyn bitirgen bolatyn, ǵumyr boıy bastaýysh synyptarda ustazdyq etti. Onyń aldynan talaı bala árip tanyp, bilim nárine sýsyndady. Qazir ekeýmiz de zeınetkermiz, balalar men nemerelerdiń ortasynda baqytty qarttyǵymyzdyń nesibesin kórip otyrmyz. Bizder qurmet tutqan kásipti ulymyz ben qyzdarymyz jalǵastyrdy.
Men elimiz táýelsizdigin alǵan soń, 1992 jyly Mońǵolııanyń Baıan-О́lgıı aımaǵynan atajurtqa alǵashqy lekpen jetkenderdiń biri edim. Arqalyq qalasynyń irgesindegi «Selınnyı» aýylyna turaqtadyq. О́zimniń mamandyǵym ekonomıst bolatyn. Atajurtqa kósherdiń aldynda mektepte tarıh páninen sabaq berdim. Biraq atajurtqa kelgen soń meniń bilimimmen mundaǵy mektepterde qyzmet isteý múmkin bolmady. Ustazdyq súıikti isim bolsa da, ony amalsyz Selınnyı aýylyndaǵy mal sharýashylyǵyndaǵy, aýyldyq keńestegi jumystarmen almastyrýǵa týra keldi. Al anamyz Darıman Baıseıitqyzy pedagogıka tehnıkýmyn bitirgen bolatyn, ǵumyr boıy bastaýysh synyptarda ustazdyq etti. Onyń aldynan talaı bala árip tanyp, bilim nárine sýsyndady. Qazir ekeýmiz de zeınetkermiz, balalar men nemerelerdiń ortasynda baqytty qarttyǵymyzdyń nesibesin kórip otyrmyz. Bizder qurmet tutqan kásipti ulymyz ben qyzdarymyz jalǵastyrdy.
Bizdiń otbasymyz úshin áý bastan ustazdyq mamandyqtyń bedeli úlken boldy. Sebebi, úıde otyrǵanda balalardyń anasy ekeýmizdiń áńgimemiz kitap, bilim týraly órbıtin. Darıman óz balalarymyzǵa úlgini alystan izdemeıtin. Ol mekteptegi jaqsy oqıtyn oqýshylardy maqtanysh etip, únemi aıtyp otyratyn. Sonda bala tártipti, úlgili bolýǵa alǵa umtylady jáne sol anasy aıtqan balalardy bedel sanap, syılap ósedi eken. Biz halqymyzdyń tilin, dinin, dástúrin, ata-saltyn tý etken jandarmyz. Mońǵolııada týyp óssek te, ana til dep atajurtty izdegen edik. Balalarymyz da tildiń, sózdiń qadirin baǵalap ósti.
Úlkenimiz, ulym Tóleý ustazdyq joldy qalady. Astanadaǵy L.N.Gýmılev atyndaǵy Eýrazııa Ulttyq ýnıversıtetin bitirip, qazaq tili men ádebıetinen sabaq beredi. Qazir Qostanaı memlekettik pedagogıkalyq ınstıtýtynda qyzmet isteıdi. Jańa oqý jylynan bastap L.N.Gýmılev atyndaǵy Eýrazııa Ulttyq ýnıversıtetinde saıasattaný mamandyǵynyń magıstri. Úılendi, balaly boldy. Odan keıingi Nurjan degen qyzym Qostanaı aýdanyndaǵy Glazýnov orta mektebinde qazaq tili men ádebıetinen sabaq beredi. Ol ádistemesi ozyq muǵalimder qatarynda, bıylǵy oqý jyly bastalarda oblys ákiminiń maqtaý qaǵazymen marapattaldy. О́z eńbegi ózine qýanysh ekenine shúkirshilik etip otyramyz. Aıjan degen qyzym Aqmola oblysyndaǵy Esil qalasyndaǵy №3 qazaq orta mektebinde tarıh pániniń muǵalimi. Onyń 4 oqýshysy «Altyn belgi» ıegeri atandy. Darıman ekeýmizdiń kenjemiz egiz qyz balalar – Sholpan-Aınur da muǵalimdik mamandyqty qalady. Olar Arqalyq pedagogıka ınstıtýtynyń tarıh jáne geografııa fakýltetin bitirgen bolatyn. Qazir Sholpan Lısakov qalasyndaǵy qazaq orta mektebinde tarıh pániniń muǵalimi bolyp qyzmet isteıdi. Onyń oqýshylary da respýblıkalyq olımpıadalardan júldemen oralyp júr. Al Aınurymyz Qostanaı memlekettik pedagogıka ınstıtýtyndaǵy «Týrızm jáne sport menedjmenti» kafedrasynyń aǵa oqytýshysy, jastardy týrızm isine baýlýdy qolǵa aldy. Magıstratýrany geografııa mamandyǵy boıynsha bitirdi. Onyń túlekteri elimizde, alys jáne jaqyn shetelderde týrızm salasynda qyzmet etedi. Tóleýimniń joldasy, kelinim Farıza da bizdiń dınastııaǵa qosyldy, ol da ustaz. Qostanaı pedagogıka kolledjinde psıhologııadan dári