Densaýlyq festıvali

Keshe Astanada salamatty ómir saltyn ustanýǵa qoǵamnyń, buqara halyqtyń nazaryn aýdarý maqsatynda «Densaýlyǵym keremet – jattyǵýǵa kóp rahmet!» uranymen dástúrli keń aýqymdy «Densaýlyq festıvali-2013» sharasy ótti.

Densaýlyq kúninde barlyq qa­zaqstandyqtar úshin tańǵy jáne óndiristik gımnastıkany nası­­­hat­taýǵa, salamatty ómir saltyn saqtaý mádenıeti men ony keńinen na­sıhattaýǵa múmkindik týdy.

Dástúrli jyl saıynǵy atalmysh shara jappaı júgirýden bastaý alyp, oǵan 5 myńǵa jýyq adam qatysty. Is-shara aıa­syn­da saıabaqta densaýlyq qala­shyqtary ashyldy. Bul jerde astanalyqtar men qala qonaq­taryna medısınalyq tekserýlerden ótýge jaǵdaı jasaldy. Dıabet pen basqa da aýrýlarǵa ekspress testter ótkizildi. Sondaı-aq, onda kelýshiler arte­rıaldyq qysymdy ólshep, aqpa­rattyq-bilim berý materıaldarymen jáne densaýlyqqa arnalǵan keńester aldy.

Osy sharaǵa Almaty aýda­ny­­nyń ákimi Sa­ǵym Bekbolov ta qa­ty­syp, jınalǵan jurt­shylyqqa «Den­­saýlyq fes­tı­vali-2013» aksııa­sy týraly óz pikirin bildirdi. Ol óz sózinde qazirgi kezde memleket jas­tar densaýlyǵyna kóp kóńil ból­gendikten, qalamyzda sport ǵı­marattary kóptep salynyp jat­qanyn, jetkinshekterdi sportqa beıimdeý maqsatynda qala ákiminiń qoldaýymen júzge tarta sport klýbtary men qyryq­qa jýyq sport alańdary ashyl­ǵanyn aıtyp, mektepterdiń de sport jabdyqtary jyl saıyn jańartylyp kele jatqanyn atap ótti.

Osydan keıin sport ujym­dary karate men ult­tyq kúres túr­­lerinen, al kórkem­óner­paz­dyq ujym­dar, ulttyq mádenı or­ta­­­­lyq­­tar­dyń ókilderi jurt­shy­lyqqa án aıtyp, óz ónerlerin kór­setti. Bıyl­ǵy aksııaǵa Marat Oma­rov, Ba­qyt Shadaeva, Er­kesh Hasen syndy Qa­zaqstan estra­dasynyń ókilderi qatysty.

Aıjuldyz ERBOLATQYZY,

L.N.Gýmılev atyndaǵy

EUÝ stýdenti.