Kórseteri kóp kórme

Keshe Táýelsizdik saraıynda «Álem – sheberdiń kózimen. Itıký Kýbotanyń kımonolary» atty birigeı kórmeniń saltanatty ashylý rásimi ótti. Kórmeni uıymdas­tyrýshylar – Halyq­aralyq Shodıev qory, Astana qalasynyń ákimdigi men Japonııa­nyń Qazaqstan Respýb­lıkasyndaǵy elshiligi. Kórme 6-19 qyrkúıek aralyǵynda ótedi.

Astana qalasyndaǵy ónersúıer qaýymǵa álemdik kórkemóner salasyndaǵy qundylyǵy joǵary, sýretpen kómkerilgen japondyq kımono týyndylarynyń úzdik úlgileri usynyldy. Kórmeniń res­mı ashylýyna Prezıdent Ákim­shiliginiń, Parlament pen Úki­met­tiń, dıplomatııalyq korpýstyń ókil­deri, kásipkerler, qoǵam jáne óner qaıratkerleri qatysty.

Kásipker, mesenat jáne Ha­lyq­aralyq Shodıev qorynyń ne­gizin qalaýshy Fattah Sho­dı­ev, Japonııanyń Qazaqstan Res­pýb­lıkasyndaǵy elshisi Iýdzo Harada, Itıký Kýbota mura­ja­ıynyń dırektory Mııahara Sakýo jáne Ast­a­na qalasy ákimdiginiń ókili kór­meniń ashylýyna arnap sóz sóıledi.

Itıký Kýbota (1918-2003) – HH ǵasyrdaǵy japon kórkem óneri men tekstıliniń ataqty sheberi. Ol uzaq jyldar boıy qyl­qalam óneri men matalardy boıaýdyń ózge de tásilderin, peızaj jáne portret salý ónerin zerttegen. Japondyq jibek matany sýretteýdiń kóne ónerin zertteı otyryp, Kýbota ondaǵan jyldar qatarynan onyń qupııasyn taýyp, meńgerýge umtylǵan. Osylaı, Kýbota óziniń sýret salý baǵytyn qalyptastyrǵan.

Fýdzı taýynyń túrli rakýrs­taǵy sýretteri, Kúnshyǵys eliniń qaıtalanbas tabıǵı sulýlyǵy erekshe dekoratıvti landshaftqa birigip, bir kımonodan ekinshi kı­monoǵa aýysady. Osylaı túrli mezgilder men kóńil kúı qalyp­tastyrady. Eger birneshe kımonony biriktirse, olar kóz tartarlyq erekshe sulý peızaj beınelengen sýretti quraıdy. О́zderiniń dekoratıvtiligine qara­mastan, árbir kımono 2,5 metr matadan jasal­ǵan qylqalam óneriniń týyndysy bolyp tabylady. Árbir kımonony jasaýǵa sheber bir jylǵa jaýyq ýaqytyn bólgen. Itıký Kýbota 2003 jyly 85 jasynda qaıtys bolǵan.

2010 jyly Japonııadaǵy «Itıký Kýbota murajaıyna» ban­krot bolý qaýpi tóndi. Biregeı kolleksııa bólshektelip satylyp, joǵalyp kete jazdady. Alaıda, murajaıdy belgili mesenat Fat­tah Shodıev qutqaryp qaldy. Ol kolleksııany álemdik mádenıet úshin tolyq kúıinde saqtap qalý maqsatynda jáne onyń ómirinde Japonııanyń alatyn ornyna alǵys retinde satyp aldy.

Halyqaralyq Shodıev qory­nyń arqasynda Astananyń árbir turǵyny biregeı kolleksııany tamashalaı alady.

«Egemen-aqparat».