Kezdesýde Elbasy tótenshe jaǵdaı kezinde memlekettik sharalardy qoldaý jáne muqtaj adamdarǵa kómek uıymdastyrý boıynsha «Nur Otan» partııasynyń belsendi jumysyn atap ótti.
– Pandemııa búkil adamzatqa qaýip tóndirip tur. Prezıdent pen Úkimet qıyn jaǵdaıǵa tap bolǵan adamdardy, kópbalaly otbasylardy, múmkindigi shekteýli jandar men qarttardy kómekpen qamtamasyz etý jóninde sharalar qabyldady. Osy oraıda partııaǵa memlekettik sharalardy qoldaý boıynsha belsendi jumys isteýdi tapsyrdym, - dedi Qazaqstannyń Tuńǵysh Prezıdenti.
Sondaı-aq Nursultan Nazarbaev «Birgemiz» qoǵamdyq qorynyń jumysyna toqtalyp, bul bastamany qoldaǵan qazaqstandyqtarǵa alǵysyn bildirdi.
– «Birgemiz» qoryna biraz qarajat jınaldy. Osynaý qıyn kezeńde muqtajdarǵa kómek uıymdastyrý maqsatymen meniń qor qurý jónindegi bastamamdy qoldaǵany úshin Qazaqstannyń bıznes qaýymdastyǵyna alǵys aıtqym keledi. Men «ERG» kompanııalar tobynyń basshylyǵy A.Mashkevıchke, A.Ibragımovqa, P.Shodıevke, «Qazaqmys» korporasııasynyń basshylyǵy V.Kımge, O.Novachýkke, E.Ogaıǵa, sondaı-aq T.Qulybaevqa, B.О́temuratovqa, R.Sársenovke, A.Klebanovqa, Ǵ.Esenovke, A.Raqymbaevqa, A.Belovıchke, Q.Boranbaevqa, Q.Sháripbaevqa jáne taǵy da basqa azamattarǵa alǵys bildiremin, - dedi Elbasy.
Sonymen birge Qazaqstannyń Tuńǵysh Prezıdenti «Jas Otan» jastar qanatynyń belsendileri men eriktileriniń jumysyn atap ótti.
– Partııa belsendileri men «Jas Otan» eriktileri Qazaqstan boıynsha 50 myńnan astam otbasyny eń qajetti taýarlarmen qamtamasyz etti. Jalpy bul jumysqa úsh myń erikti jumyldyryldy. Men olarǵa da alǵys aıtamyn, - dedi Nursultan Nazarbaev.
Sonymen qatar, Elbasy «Birgemiz» qorynan 152 myńnan astam otbasyna 50 myń teńge kóleminde birjolǵy kómek kórsetilgenin aıtty.
- Biz bul jumysty jalǵastyrýymyz kerek. Mamyr aıynyń basynan bastap halyqqa kómek kórsetýdiń ekinshi tolqynyn bastaımyz. Bul Úkimet bólip otyrǵan kómekten bólek qosymsha qoldaý, - dedi Qazaqstannyń Tuńǵysh Prezıdenti.
Sondaı-aq «Nur Otan» partııasynyń Tóraǵasy daǵdarystan keıingi kezeńdegi ekonomıkalyq ósimdi qamtamasyz etý máselelerine toqtaldy.
– Prezıdent te, Úkimet te osy qıyn ýaqytta bárine kómektesý úshin barynsha jumys istep jatyr. Koronavırýs pandemııasy ótedi, aldaǵy ýaqytta bizdiń aldymyzda ekonomıkany qaıta qalpyna keltirý máselesi týyndaıdy. Biraz adam jumyssyz qalyp, ekonomıka báseńdedi. Jaǵdaıdyń jaqsarýyna qaraı bıznestiń keıbir túrlerine qyzmetin jandandyrý úshin jeńildik jasaǵan jón dep oılaımyn. Kásipkerler ózin jáne aınalasyn qorǵaý úshin barlyq tıisti sharalardy qabyldaýy kerek, - dedi Elbasy.
О́z kezeginde B.Baıbek partııanyń daǵdarysqa qarsy is-sharalardy júzege asyrý jáne halyqqa kómek kórsetý jumystary týraly baıandady.
– Qazirgi tańda «Birgemiz» qoryna 20 mıllıard teńgege jýyq qarajat jınaldy. Biz materıaldyq kómekten bólek Nur-Sultan, Almaty jáne Shymkent qalalaryndaǵy muqtaj otbasylarǵa medısınalyq betperde tarata bastadyq. Sonymen qatar, elorda men Almatydaǵy eki myńnan astam dáriger men medısına qyzmetkeriniń árqaısysyna Qordan 50 000 teńgeden berildi, - dedi «Nur Otan» partııasy Tóraǵasynyń birinshi orynbasary.
Kezdesý sońynda Nursultan Nazarbaev taǵy bir márte barsha qazaqstandyqty jahandyq pandemııamen kúreste birigýge shaqyrdy.
– Birligimiz, yntymaǵymyz ben bir-birimizge degen qamqorlyǵymyz bizdi jetistikke jeteleıdi. Úıde otyrý ońaı emes ekenin túsinemin. Shaǵyn bızneske de aýyrtpalyq túsip tur. Alaıda qazir jetistikke jetý úshin shydamdylyq qajet », - dedi Qazaqstannyń Tuńǵysh Prezıdenti.