Medısına eldiń ekonomıkasy men áleýetin arttyratyn salmaqty sala dep bilemin. Búgingi tańda álem jurtshylyǵyn alańdatyp otyrǵan indetke qarsy kúsh jumyldyrǵan kóptegen el dárigerleriniń qadir-qasıetin tereń túsingendeı boldy. Pavlodar oblystyq aýrýhanada dáriger-ınfeksıonıst bolyp jumys atqaramyn, jumys ótilim – 7 jyl.
Qazirgi kúni tótenshe jaǵdaılar rejiminde jumys istep júrmiz, karantındemiz. Búgin otbasymyzdan alysta júrgenimizge 22 kún boldy. Meniń mindetim – koronavırýsqa kúdiktengen naýqasty qabyldaý, aýrýhanaǵa jatqyzý, kúndelikti qaraý, em taǵaıyndaý, aýrýhanadan shyǵarý. Bizdiń eńbegimiz ben batyldyǵymyzdy baǵalap, qazynadan tólemaqy berýge sheshim shyǵarǵan Memleket basshysyna alǵysymyz sheksiz. Dárigerlerge, ásirese juqpaly aýrýlarmen kúresip júrgenderge árdaıym qoldaý kórsetip, eńbegi baǵalanyp, olarǵa ylǵı da jaqsy aqsha tólenýi kerek dep esepteımin. Sebebi bizdiń mamandyǵymyz óte qaýipti, kúndelikti ártúrli juqpaly aýrýlarmen betpe-bet kelip jatamyz.
Qymbat TEMIRBEKQYZY,
Pavlodar oblystyq aýrýhanasynyń dáriger-ınfeksıonısi