Veloshabandozdar arasyndaǵy eń beldi jarystar - «Týr de Frans», pen «Djıro d'Italııa» kópkúndikteriniń qaı kezderi ótetini belgili boldy.
117 jyldyq tarıhy bar «Týr de Frans» bıyl 27 maýsym men 19 shilde aralaǵynda ótýge tıis edi. Biraq koronavırýsqa baılanysty ol keıinge shegerildi. Endi Fransııa aýmaǵynda ótetin dúbirli dodanyń jalaýy 27 tamyz ben 20 qyrkúıek aralyǵynda jelbireıdi. Osy oraıda, belgilengen baǵytttardyń esh ózgermegenin aıta ketkimiz keledi.
Mamyr aıynda bastalýǵa tıis «Djıro d'Italııanyń» da keıinge shegirilýine joǵaryda aıtylǵan jaman aýrý sebepker boldy. Apennın túbegindegi jarystyń tusaýy sonaý 1909 jyly kesilgen bolatyn. Ústimizdegi jyly ol 20-27 qyrkúıek aralyǵynda Shveısarııada ótetin veloshosseden álem chempıonaty aıaqtalǵan bette bastalady.