Qala ákimi Erjan Imanzaıypovtyń málimetinshe, qalada elimizde Tótenshe jaǵdaıǵa baılanysty qabyldanǵan barlyq is-sharalar júzege asyrylýda.
Negizgi júıe quraýshy iri óndiris oryndarynyń barlyǵy jumystaryn jalǵastyrýda.
Al, jalpy, qalada 141 turǵyn úı karantınine alynǵan. Stasıonardyń karantın bóliminde 14 adam, ınfeksııalyq bólimde bir, provızorlyq bólimde bir turǵyn emdelýde.
Qaýipti dertke qarsy qyzmet kórsetip júrgen 27 dáriger qonaqúıge ornalastyrylyp, qajetti zattarmen qamtylǵan.
Sonymen birge naýqastardy qabyldaýǵa arnalǵan 40 oryn daıyn. Qajet bolǵan jaǵdaıda, qosymsha 100 oryn qarastyrylǵan.
Sondaı-aq Tótenshe jaǵdaı saldarynan turaqty tabysynan aıyrylǵandar da basty nazarda. Osy ýaqytqa deıin 42 500 teńgelik áleýmettik kómekti alý úshin 17 723 ótinish túsip, 14 660 adamǵa tólengen. Shaǵyn jáne orta bıznes ókilderi kelissózder nátıjesinde 46 kásipker maýsym aıynyń sońyna deıin jaldaý aqysyn múlde tólemeıdi. Qala aýmaǵynda 3 tosqaýyl-beketi qoıylǵan. Qyzmetkerlerdiń barlyǵy tıisti kıimdermen, quraldarmen qamtylǵan. Ár bekette birneshe beınebaqylaý kamerasy qoıylǵan.
Pavlodar oblysy