Qazaqstanda qazirge deıin astyqtyń 18,4 paıyzy jınalyp alyndy.Bul 2 898,8 myń ga alqapty quraıdy. Al bıyl jalpy 21,4 mln. ga jerge astyq alqaby ornalasty.
Qazaqstanda qazirge deıin astyqtyń 18,4 paıyzy jınalyp alyndy.Bul 2 898,8 myń ga alqapty quraıdy. Al bıyl jalpy 21,4 mln. ga jerge astyq alqaby ornalasty.
Ońtústik Qazaqstanda V ınvestısııalyq jobalar kórmesi ótip, 30-ǵa jýyq jumys tanystyryldy. Sharanyń ótýine muryndyq bolǵan oblys ákimi Asqar Myrzahmetov qazirgi tańda aımaqta údemeli ındýstrııaly damý memlekettik baǵdarlamasyna qatysýǵa nıet bildirgen kásipkerler sany 101-ge jetkenin aıtty.
О́skemendegi teatr maýsymy jazýshy-dramatýrg Oralhan Bókeıdi eske túsirýden bastaldy. «Maýsymnyń tap osy mereıtoıdan bastalýynyń ózinde úlken nyshan bar», dedi kesh sońynda jazýshy shyǵarmashylyǵyn zerttep júrgen jergilikti aqyn Murat Tastaǵanov.
Almatyda «Balaýsa» balalar ortalyǵy ashyldy. «Bul jerde tájirıbeli pedagogtar balalardyń óz daryndary men shyǵarmashylyq qyrlaryn ashýǵa kómek beredi», – dedi jastar saıasaty máselesi boıynsha basqarma basshysy Sanjar Boqaev ortalyqtyń ashylý saltanatynda.
Qyzylorda qalasyna qarasty Iirkól aýylynyń aýyz sý problemasy óz sheshimin tapty. Keshe osynda bolǵan qala ákimi Nurlybek Nálibaev munymen qatar, eldi meken turǵyndarynyń jolǵa, medısınalyq qyzmetke jáne bastaýysh mektepke qatysty ótinish-tilekterin de oryndaýdyń oraıyn keltirdi.
Qaraǵandyda apatqa ushyraǵan ushqysh otbasyna Astanadan páter berildi. Avıasııa apatynan qaza tapqan polkovnık Marat Edigeevtiń otbasyna keshe elordadaǵy úsh bólmeli páterdiń kilti tabys etildi.
Kaspıı teńizi aıdynyndaǵy yqqan katamaran jaǵaǵa shyǵaryldy. Osy arqyly jel aıdaǵan sý kóliginde bolǵan 1991, 1994 jáne 1997 jyldarǵy tórt er bala qutqaryldy.
Qostanaı qalalyq sotynyń sýdıalaryna qatysty jańa qylmystyq ister qozǵaldy. Atap aıtqanda, qalalyq sot tóraǵasy S. Muhtarov pen sýdıa S.Qashqynbaevqa turǵyndardan para aldy degen aıyp taǵylyp otyr.
«QazAqparat», «Qazaqstan jańalyqtary», Bnews.kz,
TengriNews, EgemenNews habarlary boıynsha daıyndaldy.