Pákstannyń prezıdenti Asıf Alı Zardarı prezıdenttik qyzmetten ketti. Munda másele, Zardarıdiń alǵashqy prezıdenttik merziminiń aıaqtalýyna baılanysty óz erkimen otstavkaǵa ketýi el tarıhynda tuńǵysh ret bolyp otyrǵandyǵynda jatyr.
ZARDARI О́Z ERKIMEN OTSTAVKAǴA KETTI
Pákstannyń prezıdenti Asıf Alı Zardarı prezıdenttik qyzmetten ketti. Munda másele, Zardarıdiń alǵashqy prezıdenttik merziminiń aıaqtalýyna baılanysty óz erkimen otstavkaǵa ketýi el tarıhynda tuńǵysh ret bolyp otyrǵandyǵynda jatyr.
«Assosheıted press» agenttiginiń habarlaýynsha, Asıf Alı Zardarı 2008 jyly Pákstan halyq partııasy bılikke kelgennen keıin prezıdenttikke saılanǵan. Ol – osy partııanyń burynǵy basshysy, eki márte eldiń premer-mınıstri qyzmetin atqarǵan Benazır Bhýttonyń kúıeýi. Al Zardarıdiń murageri Mamnýn Hýseın boldy. Jańa prezıdentti ulyqtaý keshe, 9 qyrkúıekte ótti. Hýseın «Musylman lıgasy» partııasynyń ókili, sondaı-aq ol iri kásipker retinde tanymal. Ásili, bul elde prezıdent bes jyldan eki merzimge ǵana saılana alady.
KEMENI DE, ESIRTKINI DE О́RTEP JIBERDI
Jerorta teńizinde Egıpettiń jáne Sırııanyń teńizshileri ózderi mingen kemeni, sondaı-aq jasyryn alyp bara jatqan 30 tonna gashıshti órtep jibergen. Bul jóninde «Frans-press» agenttigi habarlady.
Oqıǵa ıtalııalyq polıseıler esirtki tasymaldaýshylardyń izine túsip, olardy tutqyndaýǵa áreket jasaǵan kezde bolǵan. Polıseılerden qashyp qutylmasyn bilgen teńizshiler 85 metrlik júk kemesin órtep, ózderi sýǵa sekirgen kórinedi. Quqyq qorǵaý organdarynyń qyzmetkerleri olardy qutqaryp alǵan jáne tutqyndaǵan. Arnaıy operasııaǵa ıtalııalyq polıseılermen birge, Maltanyń quqyq qorǵaý organdarynyń qyzmetkerleri de qatysqan.
SAILAÝDA SERGEI SOBIаNIN JEŃISKE JETTI
Máskeý qalasynyń saılaý komıssııasy Máskeý meri saılaýynda berilgen daýystardyń barlyǵyn sanap, onyń nátıjesin jarııa etti. Saılaý komıssııasynyń málimetteri boıynsha, saılaýdyń birinshi týrynda 51,37 paıyz daýys jınaǵan Máskeý meriniń mindetin atqarýshy Sergeı Sobıanın jeńiske jetken.
Ekinshi oryndy oppozısııalyq saıasatker Alekseı Navalnyı alypty. Oǵan saılaýshylardyń 27,24 paıyzy daýys bergen eken. Al kommýnısterden usynylǵan kandıdat Ivan Melnıkov 10,69 paıyz, «Iаbloko» partııasynyń ókili Sergeı Mıtrohın 3,51 paıyz, LDPR-lyq Mıhaıl Degtıarev 2,86 paıyz daýysqa ıe bolǵan. Saılaýshylardyń saılaý ýchaskelerine kelip, daýys berýi 32,07 paıyzdy quraǵan.
Qysqa qaıyryp aıtqanda:
● Sýhýmıde Reseıdiń Abhazııadaǵy elshiligi konsýldyq bóliminiń birinshi hatshysy Dmıtrıı Vıshernevti atyp ketti. Oqıǵa keshe Máskeý ýaqyty boıynsha saǵat 08.30-da bolǵan.
● Sırııa prezıdenti Bashar Asad Reseı prezıdenti Vladımır Pýtınge Sankt-Peterbýrgtegi sammıtke deıin jáne sammıtten keıin Sırııa jónindegi kózqarasy úshin alǵys aıtty.
● Kabardın-Balkar úkimetiniń basshysy Rýslan Hasanov otstavkaǵa jiberildi. Úkimet basshysynyń mindetin atqarý birinshi orynbasar Irına Marıashqa júkteldi.
● Ulybrıtanııanyń p remer-mınıstri Devıd Kemeron qujattar salynǵan keısin poıyz ústelinde umytyp ketipti. Ol Iorkke úılený toıyna bara jatsa kerek.
JAZǴY OLIMPIADA TOKIODA О́TEDI
Halyqaralyq olımpıada komıteti (HOK) 2020 jylǵy jazǵy Olımpıa oıyndary ótetin qala retinde Japonııanyń astanasy – Tokıony tańdady. Senbi kúni Býenos-Aıreste ótken HOK jıynynda Tokıo qalasy – 60, Ystambul – 36 daýysqa ıe boldy.
2020 jylǵy jazǵy Olımpıadany ótkizýge Tokıo jáne Ystambulmen qatar, Madrıd qalasy da ótinish bergen bolatyn. Daýys berýdiń alǵashqy aınalymynda Ispanııa astanasy bul básekeden shyǵyp qalǵan edi. Osylaısha, Tokıo qalasy 2011 jyly jer silkinisi saldaryna baılanysty apatty jaǵdaıǵa ushyraǵan «Fýkýsıma» atom elektr stansasyndaǵy radıasııa qaýpine qaramastan tańdaldy. Aıta keteıik, Tokıoda olımpıada osymen ekinshi ret ótkeli otyr.
DELEGASIIа SAPARYN KEIINGE QALDYRDY
Toǵyzynshy qyrkúıekke josparlanǵan AQSh delegasııasynyń Ázerbaıjanǵa josparlanǵan sapary keıinge qaldyryldy. Buǵan AQSh-tyń Bakýdegi elshiligi: «Ázerbaıjan úkimeti sapardy prezıdenttik saılaý aıaqtalǵanǵa deıin keıinge qaldyrýdy jón kórip otyr. О́kinishke qaraı, endi biz bul eldiń saılaýaldy úderisterimen tanysa almaıtyn boldyq», – dep ókinish bildiripti.
Aqparattarǵa qaraǵanda, Ázerbaıjanǵa AQSh memlekettik hatshysynyń demokratııa jáne adam quqyqtary jónindegi kómekshisi Tomas Melı bastaǵan delegasııa saparmen kelýi tıis eken. Amerıkalyq delegasııa aldymen Tbılısıde oppozısııa jáne azamattyq qoǵam ókilderimen kezdesip, sodan keıin Bakýde osyndaı kezdesý ótkizýdi josparlaǵan kórinedi. Ázerbaıjanda prezıdenttik saılaý osy jyldyń 9 qazanynda ótpek.
KONFESSIIаARALYQ QAQTYǴYSTYŃ SALDARY
Úndistan bıligi Ýttar Pradesh shtatynyń Mýzaffarnagar okrýgi aýmaǵyna ásker kirgizdi. Buǵan konfessııaaralyq qaqtyǵys saldarynan 28 adamnyń ajal qushýy sebep bolyp otyr.
Okrýg aýmaǵyna 800-ge jýyq ásker kirgizilgen. Tártipsizdikke aıdap salǵan degen kúdikpen 100-den astam adam tutqynǵa alynǵan. Qaqtyǵys 7 qyrkúıekte úndister men musylmandar arasynda bastalǵan kórinedi. Dál sol kúni jergilikti úndis fermerler jınalyp, 27 tamyzda óltirilgen úsh er adamnyń óliminiń sebepterin talqylapty. Bul úsheýi musylmandar balaǵattaǵan qyzǵa ara túsken eken. Fermerler tarqaı salysymen, olarǵa musylmandar lap qoısa kerek.
Internet materıaldary negizinde ázirlendi.