Reseı astanasy Máskeý qalasynda Qazaqstan Respýblıkasynyń elshiligi «Argýmenty ı fakty» federaldy baspasóz ortalyǵymen birlesip, Iаdrolyq synaqtarǵa qarsy halyqaralyq is-qımyl kúnine oraı «Iаdrolyq synaqtarǵa tyıym salýdan ıadrolyq qarýdan azat álemge» taqyrybynda dóńgelek ústel uıymdastyrdy.
Reseı astanasy Máskeý qalasynda Qazaqstan Respýblıkasynyń elshiligi «Argýmenty ı fakty» federaldy baspasóz ortalyǵymen birlesip, Iаdrolyq synaqtarǵa qarsy halyqaralyq is-qımyl kúnine oraı «Iаdrolyq synaqtarǵa tyıym salýdan ıadrolyq qarýdan azat álemge» taqyrybynda dóńgelek ústel uıymdastyrdy.
Onyń jumysyna ıadrolyq taratpaý jáne qarýsyzdaný salasyndaǵy belgili Reseı jáne Qazaqstan sarapshylary, dıplomatııalyq mıssııalar men halyqaralyq uıymdardyń, sondaı-aq, qazaqstandyq jáne reseılik BAQ ókilderi qatysty.
Reseı Federasııasy Memdýmasynyń tabıǵı resýrstar jáne ekologııa komıteti tóraǵasynyń orynbasary, «Nevada-Jańa Jer» qozǵalysynyń teń uıymdastyrýshysy Maksım Shıngarkın óziniń sózinde, eger Prezıdent Nursultan Nazarbaev jahandyq deńgeıde ıadrolyq qarýsyzdanýda osyndaı sózsiz kóshbasshylyq tanytpaǵanda, atalǵan salada mundaı tabysqa qol jetkizý múmkin bolmas edi degen pikirin bildirdi.
О́z sózinde belgili Reseı sarapshysy Alekseı Vlasov atap ótkendeı, Qazaqstannyń ıadrolyq qarýsyzdaný týraly sheshimi qazirgi memleket damýynyń sulbasyn aıqyndaýda sheshýshi ról atqardy. Al Prezıdent Nursultan Nazarbaevtyń jahandyq ıadrolyq qarýsyzdaný salasyndaǵy dáıekti saıasaty búginde eki álemdik problemalar – senim daǵdarysy men qosarlanǵan standarttar qoldaný úderisterine baılanysty erekshe kókeıkesti bola túsip otyr.
Qazaqstan Syrtqy ister mınıstrliginiń Erekshe tapsyrmalar jónindegi elshisi Roman Vasılenko Qazaqstannyń qarýsyzdaný tarıhy men ıadrolyq muradan arylý barysy týraly áńgimeledi. «Qazaqstannyń, Reseıdiń jáne AQSh-tyń bul baǵyttaǵy kóp jylǵy úshjaqty yntymaqtastyǵy nátıjesinde ózara senim rýhynda birge is-qımyl tanyta otyryp qana biz álemdi qaýipsiz ete alamyz», dedi ol sóziniń qorytyndysynda.
«ATOM» jobasynyń Qurmetti elshisi, qazaqstandyq sýretshi Káripbek Kúıikov álem nazaryn taǵy da ózi basynan ótkergen ıadrolyq synaqtardyń qasiretti saldaryna aýdarýǵa shaqyrdy.
«Egemen-aqparat».