«Maǵjan» ádebı-kórkem qoǵamdyq-saıası jýrnalynyń alǵashqy sany 2007 jyly qańtarda jaryq kórip, oblys ómirinde úlken mádenı jańalyq retinde qabyldanǵan edi.
«Maǵjan» ádebı-kórkem qoǵamdyq-saıası jýrnalynyń alǵashqy sany 2007 jyly qańtarda jaryq kórip, oblys ómirinde úlken mádenı jańalyq retinde qabyldanǵan edi.
Alaıda, qarjy tapshylyǵynan 9 sany ǵana shyǵyp, dara tulǵa retinde tórtkúl túrki dúnıesin moıyndatqan ultshyl, rýhshyl aqyn Maǵjannyń shyǵarmashylyq asyl qundylyqtarymen jan-jaqty tanysa bastaǵan talǵampaz oqyrman qaýym sýsynyn basa almaǵan kúıi ókinishte qalǵan bolatyn.
Endi, mine, araǵa 6 jyl salyp, óńir basshysy Samat Eskendirovtiń tikeleı qoldaýymen basylym óz oqyrmandarymen qaıta tabysty. Onyń tusaýkeseri S.Muqanov atyndaǵy ámbebap kitaphanada ótip, jıyndy kirispe sózben ashqan ishki saıasat basqarmasynyń basshysy Salaýat Muqsımov bıyl uly shaıyrdyń 120 jyldyq mereıtoıyna respýblıkalyq, oblys deńgeıinde kóptegen is-sharalardyń uıymdastyrylǵanyn jetkizdi. Olardyń qatarynda «Maǵjan kóktemi» II respýblıkalyq óner festıvalin, ol týraly túsirilgen kórkem-derekti fılmdi, ǵylymı-tájirıbelik konferensııalardy atady. Biz búgin aqıyq aqynnyń ómiri men shyǵarmashylyǵyn jan-jaqty nasıhattaıtyn, oblys qalamgerleri men jas talanttardyń týyndylaryn jarııalaıtyn jýrnaldyń qaıta jaryq kórýimen qaýyshyp otyrmyz, dedi Salaýat Syılybaıuly. Sosyn sóz kezegin osy ıgi sharany uıymdastyrýshylardyń biri, respýblıkalyq «Egemen Qazaqstan» gazeti bas redaktorynyń orynbasary, belgili jýrnalıst-jazýshy, Jarasbaı Súleımenovke berdi. Maǵjantanýshy rýhanı, mádenı salaǵa úlken kóńil bólip, janashyrlyq qoldaý kórsetkeni úshin Samat Saparbekulyna rızashylyǵyn aıta kelip, basylym aldaǵy ýaqytta Maǵjannyń shyǵarmashylyǵymen, óńirlik aýqymmen ǵana shektelip qalmaıtynyn, el ónerine, mádenıetine qatysty máseleler de keńinen qamtylatynyn, ásirese, jastar shyǵarmashylyǵyna úlken oryn beriletinin, el aýmaǵyna taratý maqsaty turǵanyn alǵa tartty.
Jıynda Qazaqstan Jazýshylar odaǵy jergilikti bólimshesiniń tóraǵasy, aqyn Mútallap Qanǵojın, «Asyl mura» ortalyǵynyń jetekshisi Tańat Súgirbaev, SQMÝ janyndaǵy Til ınstıtýtynyń dırektory Janar Talasbaeva, «Qazaq tili» halyqaralyq uıymy oblystyq fılıalynyń jetekshisi Káribaı Musyrman, taǵy basqalar jýrnaldyń osy jolǵy sany aıdarlar, taqyryptar san-alýandyǵymen tartymdy da mazmundy shyqqanyn, belsendi avtorlar qataryna elimizge belgili qalamgerler men tulǵalardyń tartylýy quptarlyq ekenin tilge tıek etti.
Tusaýkeserde «Maǵjan kóktemi» II respýblıkalyq óner festıvaliniń júldegeri Amanjol Zaǵypar Maǵjan rýhyna arnalǵan «Qyzyl ot» óleńin naqyshyna keltirip oqyp berdi.
О́mir ESQALI,
«Egemen Qazaqstan».
Soltústik Qazaqstan oblysy.