Qazaqstannyń qaı jaǵyna zer sala qarasańyz da kórkine kóz toımastaı ásem qalalar nazar aýdarady. Sonyń biri – Arqa tósinen boı kótergen qutty, qazynaly Qostanaı. Iri óndiris orny bolýmen qatar, sulý kóshe, sándi úıler, symbatty ǵımarattarymen ýaqyt alǵa ozǵan saıyn aıryqsha ajarlanyp bara jatqan qalaǵa syrttan kelýshi meımandar men jergilikti halyqtyń jıi bas suǵatyn kıeli mekeniniń biri – oblystyq Ybyraı Altynsarınniń memorıaldyq murajaıy. Ol dańqty pedagog, alyp aǵartýshy, tarlan tulǵanyń týǵanyna 150 jyl tolýy qurmetine 1991 jyly shańyraq kótergen bolatyn. Iаǵnı, egemendi eldiń tól qurdasy.
Qazaqstannyń qaı jaǵyna zer sala qarasańyz da kórkine kóz toımastaı ásem qalalar nazar aýdarady. Sonyń biri – Arqa tósinen boı kótergen qutty, qazynaly Qostanaı. Iri óndiris orny bolýmen qatar, sulý kóshe, sándi úıler, symbatty ǵımarattarymen ýaqyt alǵa ozǵan saıyn aıryqsha ajarlanyp bara jatqan qalaǵa syrttan kelýshi meımandar men jergilikti halyqtyń jıi bas suǵatyn kıeli mekeniniń biri – oblystyq Ybyraı Altynsarınniń memorıaldyq murajaıy. Ol dańqty pedagog, alyp aǵartýshy, tarlan tulǵanyń týǵanyna 150 jyl tolýy qurmetine 1991 jyly shańyraq kótergen bolatyn. Iаǵnı, egemendi eldiń tól qurdasy.
Qazir atalǵan murajaıda on eki myńnan astam jádiger bar. Munda kelýshiler Máskeý, Sankt-Peterbýrg, Orynbor, Almaty, Aqtóbe jáne basqa da qalalardan uqypty túrde jınalǵan, saqtalǵan qujattarmen jan-jaqty tanysatyn, qyr tósine bilim dánin sepken aǵartýshynyń ómirinen, onyń taǵdyrly, tálimdi ǵumyrynyń baıanynan mol maǵlumat alady. Ásirese, sońǵy jyly júrgizilgen kúrdeli jóndeý jumysy murajaıdyń bet-beınesin oń baǵytta ózgertti, ábden óńdendirdi. Qostanaılyq qurylysshylar ǵımarattyń birinshi jáne ekinshi qabattaryn túgeldeı derlik jańa úlgide jóndedi. Almaty qalasyndaǵy Amanjol Naımanbaı basqaratyn «Etnodızaın-2030» jaýapkershiligi shekteýli seriktestiginiń mamandary, sýretshi-dızaınerler dıorammalardyń sanyn kóbeıtti. Jáne onyń barlyǵy da uly ustazdyń shynaıy shyǵarmalarymen, sondaı-aq salmaqty, oıly, taǵylymdy sózderimen tikeleı baılanystyryldy. Murajaı dırektory, belgili aqyn, fılologııa ǵylymdarynyń kandıdaty Naǵashybaı Muqatov. Qazirgi tańda murajaıda oblystyq mádenıet basqarmasy bekitken josparlarǵa sáıkes, buqaralyq sıpattaǵy mádenı-kópshilik sharalar, kórmeler, dárister jıi ótkizilse, oǵan qatysýǵa nıet bildirgen zııaly qaýym, stýdentter, oqýshylar sany da áldeqaıda kóbeıe tústi.
«Egemen-aqparat».