Jaqynda oıyldyqtar qos birdeı qýanyshqa keneldi. Bul aýdanda eki jańa mekteptiń ashylýyna baılanysty boldy. Aqshataý aýylynda paıdalanýǵa berilgen jańa mekteptiń ashylý saltanatyna aýyldyqtar taıly-tuıaǵy qalmaı jınaldy dese de bolǵandaı. Munyń sebebi de bar. Aýdandyq bilim bóliminiń basshysy Saıan Súleımenovtiń aıtýynsha, aqshataýlyq balalar buǵan deıin apatty jaǵdaıdaǵy 9 jyldyq mektepte oqyp kelipti. Endi, mine, keń de jaryq jańa mektep paıdalanýǵa berilip,10-synyp ashylyp, bilim uıasy orta mektep mártebesine ıe bolyp otyr. Jańa mekteptiń qurylysymen «Bóbek qurylys» jaýapkershiligi shekteýli seriktestigi aınalysqan.
Jaqynda oıyldyqtar qos birdeı qýanyshqa keneldi. Bul aýdanda eki jańa mekteptiń ashylýyna baılanysty boldy. Aqshataý aýylynda paıdalanýǵa berilgen jańa mekteptiń ashylý saltanatyna aýyldyqtar taıly-tuıaǵy qalmaı jınaldy dese de bolǵandaı. Munyń sebebi de bar. Aýdandyq bilim bóliminiń basshysy Saıan Súleımenovtiń aıtýynsha, aqshataýlyq balalar buǵan deıin apatty jaǵdaıdaǵy 9 jyldyq mektepte oqyp kelipti. Endi, mine, keń de jaryq jańa mektep paıdalanýǵa berilip,10-synyp ashylyp, bilim uıasy orta mektep mártebesine ıe bolyp otyr. Jańa mekteptiń qurylysymen «Bóbek qurylys» jaýapkershiligi shekteýli seriktestigi aınalysqan.
Jańa mekteptiń ashylý saltanatyna oblystan arnaıy kelgen osy óńirdiń týmasy, ardager dáriger Turar Sherııazdanov «Kórkeıe ber, týǵan jer» aksııasy aıasynda mektepke kompıýter syılady.
Qumjarǵan aýylyndaǵy Sorkól orta mektebiniń ashylý saltanatynda sóz alǵan oblys ákiminiń orynbasary Sara Nurqatova: – Aýyldaryńyzda sáýletti de eńseli bilim uıasy boı kóterdi. Jańa mektep qutty bolsyn! Aqtóbe oblysynda sońǵy on jylda 51 jańa mektep salyndy. 43 apatty jaǵdaıdaǵy bilim ǵımarattary kúrdeli jóndeýden ótkizildi. Al Oıyl aýdanynda ótken jyly 4 mektep ashylsa, bıyl eki birdeı bilim shańyraǵy boı kóterip otyr. Endigi maqsat – oqýshylardyń sapaly bilim alýyna qol jetkizý bolmaq – dedi.
Jańa mekteptiń lentasy qıylǵannan keıin, ájeler shashý shashty. Qonaqtar jańa mektepti aralap kórdi. Mektep ǵımaratynyń qurylysyna 170 mıllıon teńge jumsalǵan.
Satybaldy SÁÝIRBAI,
«Egemen Qazaqstan».
Aqtóbe oblysy.