Qazirgi kezde el óńirleri kóktemgi tirshilik qamyna kirisken. Tótenshe jaǵdaıǵa qarap otyrǵan aýyl eńbekkerleri joq. Negizgi talaptardy qatań saqtaı otyryp, qalaıda egistiń qamymen dala tósinde júr.
Osy oraıda Qazaq ulttyq agrarlyq ýnıversıtetiniń bilikti ustaz-ǵalymdary aýylsharýashylyq taýar óndirýshilerine keńes berip, qoldaý kórsetý maqsatynda aptasyna eki ret tikeleı onlaın konferensııa ótkizip keledi.
Onda aýyl kásipkerleri men agrarlyq sala qyzmetkerleri tikeleı baılanysqa qosylyp, ózderine qajetti aqparattar men paıdaly keńes alýda.
«О́simdik sharýashylyǵyndaǵy zamanaýı tehnologııalar: jańa tásilder men sheshimder» taqyrybyna arnalǵan kezekti onlaın keńes barysynda QR UǴA korrespondent-músheleri, ǴZI dırektorlary, kafedra meńgerýshileri S.B. Kenenbaev, T.E. Aıtbaev, S.Q. Qaldybaev, T.R. Ryspekov, t.b. sarapshy mamandar aýyl kásipkerleriniń suraqtaryna jaýap berdi.
Tikeleı efırde Qazaqstannyń barlyq óńirlerinen joldanǵan suraqtarǵa mamandar jaýap berdi. Topyraqtyń qunarlylyǵyn arttyrý úshin mıneraldyq tyńaıtqyshtardy engizý, aýyl sharýashylyǵy daqyldaryn ósirýde tehnologııalardy paıdalaný, egistikterge monıtorıng júrgizý, aýyl sharýashylyǵy daqyldarynyń otandyq elıtalyq tuqymdaryn satyp alý, egis topyraqtarynyń quramyn anyqtaý, egistiktiń bastapqy jaǵdaıyn qalpyna keltirý, tozǵan jaıylymdardy qalpyna keltirý jáne t. b. Suraqtarǵa sharýalar tushymdy jaýap aldy.
Sondaı-aq, aýyl sharýashylyǵy ónimderin óndirýshiler aımaqtardaǵy tájirıbelerimen bólisti.
Búginde ýnıversıttegi «Sıtýasııalyq ortalyq» jumysy júıeli jolǵa qoıylǵan. Oqý orny saıtyndaǵy «AgroDamý» paraqshasyna fermerler ózderin mazalaǵan suraqtaryn joldaýyna bolady. Ýnıversıtet ǵalymdary olarǵa mindetti túrde jaýap beredi. Tikeleı efırdegi onlaın keńesterge ýnıversıttiń facebook áleýmettik jelisindegi resmı paraqshasy arqyly qosylýǵa bolady.
ALMATY