Kendi Altaıda dál qazir 400-ge jýyq joǵary bilikti dáriger jetispeıdi. Ne isteý kerek? «Qalaýyn tapsa, qar janady» degen ras eken, óńir basshysy B.Saparbaevtyń uıytqy bolýymen bul túıin sheshildi.
Kendi Altaıda dál qazir 400-ge jýyq joǵary bilikti dáriger jetispeıdi. Ne isteý kerek? «Qalaýyn tapsa, qar janady» degen ras eken, óńir basshysy B.Saparbaevtyń uıytqy bolýymen bul túıin sheshildi.
Taıaýda Semeı medısına ýnıversıtetiniń fılıaly О́skemende ashyldy. Ol oqý ornynyń abyroıy búkil elge tanys. Munda otyzdan astam ǵylym doktorlary, júzdegen ǵylym kandıdattary shákirtterge dáris beredi. Bilim ordasynyń saltanatty ashylýynda:
– Ekologııasy asa kúrdeli aımaqta medısına ýnıversıteti fılıalynyń ashylýy mańyzdy oqıǵa. Densaýlyǵy myqty eldiń irgetasy da berik bolmaq. Biz oqý ornyna jaǵdaı jasaımyz, túlekterge kómektesemiz, – dedi óńir basshysy.
Semeı medısına ýnıversıtetiniń rektory Tólebaı Rahypbekov fılıal jumysyna 90 mıllıon teńge qarjy salynǵanyn, óńirge qajet 400 bilikti dárigerdi 3-4 jylda ázirleýge kúsh salatyndaryn tilge tıek etti.
Bul fılıalǵa bıyl 83 stýdent qabyldandy. Kelesi jyldan bastap stýdentter sany 200-ge jetedi eken. Olar bolashaqta hırýrg, pedıatr, gınekolog, terapevt, akýsherlik mamandyqtaryn alyp shyqpaq. Stýdentterge 4 ǵylym doktory, 31 ǵylym kandıdaty jáne jergilikti jerdegi bilikti dárigerler dáris bermek.
Ońdasyn ELÝBAI,
«Egemen Qazaqstan».
О́SKEMEN.