AQSh-tyń «New York Post» gazetinde 25 jylǵa jýyq qyzmet etken ataqty fototilshisi Entonı Kaýzı keshe koronavırýstan qaıtys boldy.
Sanaly ǵumyrynyń barlyǵyn sport jýrnalıstıkasyna arnaǵan 48 jastaǵy amerıkalyq azamat talaı keremet fotolar túsirip, kóptegen iri baıqaýlarda júlde aldy. 2008 jyldyń kúzinde Entonıdiń ataǵy alysqa jaıyldy. Sol kezde AQSh-ta reseılik Habıb Nurmagomedov pen ırlandııalyq Konor Makgregordyń UFC týrnırinde tóbeleskenderin jaqsy bilesizder. Báseke qyzǵan tusta daǵystandyq óren qarsylasyna «qylqyndyrý» ádisin jasaımyn dep, ıegin úgitip jibere jazdaǵan edi. Jany kózine kóringen Konordyń jeńilgenin moıyndaýdan basqa amaly qalmady. Mine, dál sol sátti «ustaǵan» Kaýzı edi.
Osydan úsh apta buryn Entonıdiń koronavırýs dertine shaldyqqany anyqtalyp, ol aýrýhanada jetkizildi. Dárigerler em-dom jasaǵanymen, fotografty ajal tyrnaǵynan aman alyp qala almady.