Almatydaǵy Nur-Múbarak ýnıversıtetindegi «Bilim-Qazyna» qoǵamdyq qorynyń qoldaýymen Tárbıe isteri jáne áleýmettik damý departamentiniń mamany Gýlvıra Zaýrbekova «Sheber» tigin úıirmesiniń erikti qyzdarymen maska tigý jumystaryn júzege asyrýda.
Qazirgi tańda úıirme eriktileri eki kúnniń ishinde 200-ge jýyq maska tigip shyqty. Onyń 100-ge jýyǵyn Nur-Múbarak ýnıversıtetiniń qyzmetkerleri arasynda tegin taratyp úlgerdi.
G.Zaýrbekova halyqty koronavırýs indetimen birge kúresýge shaqyra otyryp, maska tigý jumystary ári qaraı jalǵasa beretindigin aıtady.