Álemniń birinshi raketkasy Novak Djokovıch «TOP-100» tennısshiniń qataryna enip otyrǵan sańlaqtarǵa álemdik reıtıngte ózderinen áldeqaıda tómen turǵan oıynshylarǵa kómek kórsetýdiń jańa jobasyn usyndy.
Koronavırýs indetiniń órshýine baılanysty sporttyq jarystardyń barlyǵy da toqtatylǵany belgili. Sonyń saldarynan kóptegen sportshylar qazirgi kezde materıaldyq turǵydan qıyn jaǵdaıdy basynan keshirýde. Tennısshilerdi qoldaý maqsatynda Serbııanyń saıypqyrany Novak Djokovıch jańa bastama kóterdi. Onyń bul ıdeıasyn ataq-dańqtary alysqa jaıylǵan ıspanııalyq Rafael Nadal men shveısarııalyq Rodjer Federer tolyqtaı qoldady.
Joǵaryda aıtylǵan joba negizinde álemdik reıtıngte úzdik bestikte turǵan tennısshiler 30 000 dollardan, ozyq ondyqtyń qataryna engender 20 000 dollardan, 11-20 satylarǵa jaıǵasqandar 15 000 dollardan qaıyrymdylyq qoryna aýdarýǵa tıis.
Sóıtip, «TOP-100» sanatyndaǵy barlyq tennısshiler ortań qol oıynshylarǵa qamqorlyq kórsetedi.