Sońǵy eki kúnde aýa raıynyń kúrt jylýyna baılanysty Almaty taýlarynda qar kóshkini qaýpi artyp otyr. Bul týraly qalalyq Tótenshe jaǵdaılar departamenti habarlady.
«Jylymyqtyń áserinen, qar jamylǵysynyń turaqsyz bolýyna jáne kúnniń ysýyna baılanysty Kishi jáne Úlken Almaty (2300 metr bıiktiginen joǵary aýmaqta) basseıninde 19-23 sáýir aralyǵynda qar kóshkini qaýpi saqtalady» dep habarlady TJD baspasóz qyzmeti.
Osy oraıda mamandar almatylyqtarǵa taýly jerlerge barmaýǵa keńes beredi. Tótenshe jaǵdaıdyń aldyn alýǵa baılanysty eskertý, azamattardyń uıaly baılanys nómirlerine de habarlama retinde joldanǵan.