Almaty oblysynda koronavırýs ınfeksııasyn juqtyrǵan taǵy 3 adam anyqtaldy. Osy sátke deıin aýyrǵandar sany 44 adamǵa jetti.
Úsh adamnyń indet juqtyrǵany zerthanalyq tekserý barysynda belgili bolǵan. Naýqastyń ekeýi Kerbulaq aýdanynan, bireýi Eńbekshiqazaq aýdanyn shyǵyp otyr.
- Kerbulaq aýdanynyń 1973 jyly jáne 1991 jyly týǵan turǵyndary buǵan deıin 17 sáýirde aýyrǵan syrqatpen baılanysta bolǵan. Al Eńbekshiqazaq aýdanynda tirkelgen 2006 jylǵy jasóspirimniń vırýsty qaıdan juqtyrǵany ázirge belgisiz. Naýqastyń anasynyń aıtýynsha, balasy eshkimmen baılanysta bolmaǵan. Búgin «Ulttyq saraptama ortalyǵy» mekemesiniń oblystyq fılıalynda úsh pasıentke jasalǵan laboratorııalyq zertteý indet belgisi baryn kórsetti. Qazir olar Eńbekshiqazaq aýdandyq kóp salaly aýrýhanasynyń ınfeksııalyq bólimine jatqyzyldy, - dep habarlady oblys ákiminiń baspasóz qyzmeti.
Aıtpaqshy, syrqattarmen baılanysta bolǵandar 24 adam anyqtalǵan. Olardyń on ekisi úı karantınine alynyp, qalǵandary provızorlyq stasıonarǵa jatqyzyldy. Koronavırýs ınfeksııasyn juqtyrǵan naýqastarmen qarym-qatynysta bolǵandardyń barlyǵynan vırýsologııalyq analız alyndy.