Áıgili L’Equipe basylymynyń oqyrmandary Fransııa fýtbol tarıhyndaǵy eń úzdik fýtbolshylardyń shartty qurama komandasynyń tizimin kópshilik nazaryna usyndy.
Úzdikter tiziminde Faben Bartez, Bıksant Lızarazıý, Marsel Desaıı, Loran Blan, Lılıan Tıýram, Patrık Vıeıra, Dıde Desham, Mıshel Platını, Zınedın Zıdan, Terrı Anrı jáne Kıllıan Mbappe endi. Olardyń deni 1998 jylǵy álemdik dop dodasy men 2000 jylǵy Eýropa chempıonatynda dara shyqqan fýtbolshylar. Sol kezderi óner kórsetpegen tek eki oıynshy ǵana shartty quramaǵa enip otyr. Olar – Platını men Mbappe.
Mıshel Platını ótken ǵasyrdyń jetipisinshi jáne sekseninshi jyldary jasyl alańda jasyndaı jarqyrady. Ol 1984 jyly Eýropa chempıony atansa, 1986 jyly álem birinshiliginde qola medaldi ıelendi. 1983-85 jyldar aralyǵynda Platını qart qurlyqtyń teńdessiz teńbil dop sheberi retinde «Altyn dopty» ıelendi.
Al Kıllıan Mbappe 2018 jylǵy álem chempıony jáne sol jarystyń eń úzdik jas oıynshysyna tıesili arnaıy syılyqty oljalady. Bul kúnderi ol PSJ klýby sapynda óner kórsetýde.
Fransııa tarıhyndaǵy eń úzdik bapker ataǵyn Dıde Desham enshiledi. 51 jastaǵy aıtýly azamat fýtbolshy retinde de, jattyqtyrýshy retinde de álem chempıony ataǵyna qol jetkizdi.