Koronavırýsqa shaldyǵyp, sol dertten aıyqqan Shvesııanyń áıgili hokkeıshisi Bere Salmıng jýrnalısterge sol kezderi qalaı qınalǵany jaıynda aıtyp berdi.
Esimi Hokkeı dańqy zalyna engen oıynshy «О́te qorqynyshty boldy. Keıde aýa jetpeı, qatty tunshyǵa bastaımyn. Qol-aıaǵym dirildeıdi. Bir sózben aıtsam, ómir men ólimniń arasynda jatqandaı kúı keshtim. Baǵyma oraı, dárigerler der kezinde jetti. Solardyń arqasynda aman qaldym. Qazir jaǵdaıym biraz jaqsardy. Desek te tolyqtaı aıyǵyp kettim dep aıta almaımyn. Sol sebepti de kútinip, úıde jatyrmyn», - deıdi ardager hokkeıshi.
Kúni keshe ǵana, naqtylap aıtsaq 17 sáýirde 69 jasqa tolǵan Bere Salmıng uzaq jyldar boıy Ulttyq hokkeı lıgasynda (UHL) óner kórsetti. 16 jyl boıy «Toronto Meıpl Lıfstyń» namysyn qorǵasa, taǵy bir maýsymdy «Detroıt Red Ýıngzdyń» sapynda ótkizdi.
Ataqty qorǵaýshy Shvesııa quramasy sapynda 1972 jáne 1973 jyldary ótken álem chempıonatynda júldegerler sanatyna qosyldy.