Elimizdegi qalyptasqan jaǵdaıǵa baılanysty koronavırýstyq ınfeksııanyń taralýyna jol bermeý maqsatynda 19 sáýirden Shymkent qalasyndaǵy qoǵamdyq kólikterdiń qozǵalysy toqtatyldy.
- О́ıtkeni avtobýstar tikeleı indettiń taralý oshaǵy bolýy ábden múmkin. Oǵan qosa sarapshylardyń pikiri de eskerildi. Sondyqtan osyndaı qadamǵa amalsyzdan bardyq, - dedi qala ákiminiń orynbasary Maqsut Isahov brıfıngte.
M.Pernebaıulynyń málimdeýinshe qalada arnaıy tirkelgen 11 taksı kompanııasy jumysyn jalǵastyra beredi. Olarda 2 adamnan artyq jolaýshy alýǵa bolmaıdy. Tirkelmegen taksılerge ruqsat joq. Tasymaldaýshy kompanııa basshylaryna baǵany qıyn-qystaý kúnderi kótermeý boıynsha usynys aıtyldy.
Búginde Shymkenttegi medısısnalyq mekeme qyzmetkerlerin tasymaldaý úshin arnaıy 106 avtobýs bólingen. Oǵan qosa qala aýmaǵynda ornalasqan Túrkistan oblystyq densaýlyq saqtaý basqarmasyna qarasty medısınalyq mekeme qyzmetkerlerine 28 avtobýs qyzmet etýde. Qalamyzdaǵy 21 iri óndiris ornynyń qyzmetkerlerin tasymaldaýǵa 90 kólik bólingen.
Esterińizde bolsa, buǵan deıin aldyńǵy shepte júrgen 100-den astam medısına qyzmetkeri qaýipsizdik sharalaryn saqtaý maqsatynda arnaıy qonaqúıge ornalastyrylǵan bolatyn. Qazirgi tańda qalalyq densaýlyq saqtaý basqarmasynan taǵy 40 oryndyq qonaqúıge suranys túsken.
Shymkent qalasy Bas sanıtarlyq dárigeri A.Tólebaevtyń №11 qaýlysyna sáıkes Shymkentte 19 sáýir saǵat 00:00-den bastap 1 mamyr saǵat 07.00-ge deıin birqatar shekteýler engizildi.
- Qaýlyǵa sáıkes, aıyrbastaý pýnktteri men mıkroqarjylyq uıymdar qyzmetin onlaın rejımine kóshirip, «klıentterge deıin jetkizý» prınsıpi boıynsha jumys atqarýda. 65 jastan asqan azamattarǵa jáne 18 segiz jasqa tolmaǵan azamattar turǵyn úıden eresek adamnyń súıemeldeýinsiz shyǵýyna tyıym salyndy. Bul rette Shymkent qalasynyń polısııa departamentiniń, QR IIM Ulttyq ulany men QR Qorǵanys mınıstrliginiń áskerı qurylymdary áleýetimen karantındik aýmaqty patrýldeý tapsyryldy, – dedi qala ákiminiń orynbasary M.Isahov.
Shymkent