Keshe Premer-Mınıstrdiń birinshi orynbasary – О́ńirlik damý mınıstri Baqytjan Saǵyntaevtyń basshylyǵymen áleýmettik áriptestik, áleýmettik jáne eńbek qatynastaryn retteý jónindegi respýblıkalyq úshjaqty komıssııa otyrysy ótti.
Keshe Premer-Mınıstrdiń birinshi orynbasary – О́ńirlik damý mınıstri Baqytjan Saǵyntaevtyń basshylyǵymen áleýmettik áriptestik, áleýmettik jáne eńbek qatynastaryn retteý jónindegi respýblıkalyq úshjaqty komıssııa otyrysy ótti.
Komıssııa jumysyna Eńbek jáne áleýmettik qorǵaý mınıstri Tamara Dúısenova, Qazaqstan Kásipodaqtary federasııasynyń basshylary, Ulttyq kásipkerler palatasynyń, Respýblıkalyq taý-ken óndirýshi jáne taý-ken metallýrgııa kásiporyndary qaýymdastyǵynyń ókilderi jáne basqalar qatysty.
Talqylaý barysynda «Kásiptik odaqtar týraly» zańnyń jobasy, jumys berýshilerdiń erikti deklarasııalaý tájirıbesin engizýde olardyń qyzmetteriniń eńbek zańnamasynyń talaptaryna sáıkes kelýi boıynsha usynystar, sonymen qatar, 2012-2014 jyldarǵa arnalǵan bas kelisimge Úkimet, respýblıkalyq jumyskerler jáne jumys berýshiler birlestikteri arasyndaǵy tolyqtyrýlar qarastyryldy.
Baqytjan Saǵyntaev Memleket basshysynyń tapsyrmasymen ázirlengen «Kásiptik odaqtar týraly» zań jobasy Qazaqstandaǵy kásipodaqtardyń qyzmetterin jaqsartýǵa baǵyttalǵanyn atap kórsetti. Kásipodaq týraly jańa zań kásipodaq qozǵalysynyń tik modelin qurý úshin quqyqtyq negiz qalaıdy jáne kásipodaq múshelerin áleýmettik áriptestiktiń barlyq deńgeıinde yntalandyrýdy kúsheıtedi dep sanaımyz, dedi birinshi vıse-premer.
Komıssııa jumys berýshilerdiń qyzmetin erikti deklarasııalaýdy eńbek zańnamasynyń talaptaryna sáıkes senim sertıfıkaty negizinde engizýdi qoldaıdy. Eńbek jáne áleýmettik qorǵaý mınıstri Tamara Dúısenovanyń aıtýynsha, bul tekserýlerdiń sanyn azaıtýǵa, sonymen qatar, erikti jumys berýshilerdiń ımıdjin kóterýge múmkindik beredi.
Otyrys qorytyndysy boıynsha Úkimet, respýblıkalyq jumyskerler jáne jumys berýshiler birlestikteri arasynda bas kelisimge ózgertýler engizildi. Onda salalyq jáne óńirlik kelisimder men ujymdyq kelisimsharttarda jumysqa ornalastyrý, jumys oryndaryn saqtap qalý, 50 jastan asqan adamdarǵa laıyqty eńbek jaǵdaılaryn jasaý jáne olardyń biliktiligin jáne utqyrlyǵyn arttyrý jóninde baǵdarlamalardy qabyldaý boıynsha erejelerdi bekitýge baǵyttalǵan sharalar qarastyrylǵan.
«Egemen-aqparat».