Byltyr jeltoqsan aıynda jumystan qysqaryp qalǵan edim. Sáýir aıynda bir mekeme «kelińiz, qabyldaımyz» degenine qýanyp júrgende mynadaı jaǵdaıǵa tap boldyq.
Áıteýir qyzym jumysta, áıtpese jaǵdaıym tym aýyrlap keter edi. Osyndaı jaǵdaıda Prezıdent Qasym-Jomart Toqaevtyń qıyn kezeńdegi daǵdarysqa qarsy sharalar men tabysynan aıyrylǵan azamattardy qoldaý jónindegi málimdemesi jarııalandy. Memleket tarapynan bizdeı jandardyń bárine eń tómengi eńbekaqy kóleminde járdemaqy berildi. Mundaıdy buryn alyp kórmegen soń ba, sene qoıǵan joqpyn. Biraq qyzym qaıta-qaıta aıtyp, qujattarymdy jibergen edi. Eki kúnnen keıin esepshotyma aqsha tústi.
Árıne kóp aqsha emes, biraq ájeptáýir kómek eken. Sondyqtan syndarly sátte halyqtyń muqtajyn tap basa bilgen Prezıdentimizge alǵys aıtamyn. Sondaı-aq indetpen kúresip jatqan dárigerlerge 3 aı boıy qosymsha aqy tólenetini de aıtylyp, oryndalyp jatyr. Bul – óte ádiletti sheshim. Qazir olar barlyq adamǵa qater tóndiretin ajdahamen kúresýde, sondyqtan olardy qoldaý kerek.
Prezıdent Q.Toqaev memlekettiń qarajatyn halqymyzdyń jaǵdaıyn jaqsartýǵa jumsap otyr. Zeınetaqy men járdemaqy kólemin 10 paıyzǵa arttyrýdy, bul iske 200 mlrd teńge qarajat bólinetinin de jetkizdi. Munyń bári bizdiń birligimizdi, el ekenimizdi kórsetetin kómek, qoldaý dep bilemin.
Sarash QUDAIBERGENOVA
Petropavl