Kenesarynyń bas súıegi týraly izdestirýdi jalǵastyrýǵa tıisti vedomstvolarǵa tapsyrma berildi

Reseıdiń Sankt-Peterbýrg qalasynda saqtaýly tur dep eseptelip júrgen qazaqtyń sońǵy hany Kenesarynyń bas súıegine qatysty másele qaıta kóterildi. Bul Premer-Mınıstr Serik Ahmetovtiń depýtattar saýalyna qaıtarǵan jaýaby arqyly belgili bolyp otyr.

Reseıdiń Sankt-Peterbýrg qalasynda saqtaýly tur dep eseptelip júrgen qazaqtyń sońǵy hany Kenesarynyń bas súıegine qatysty másele qaıta kóterildi. Bul Premer-Mınıstr Serik Ahmetovtiń depýtattar saýalyna qaıtarǵan jaýaby arqyly belgili bolyp otyr.

Oǵan oralýǵa mynadaı jaǵdaı sebep bolǵan. Ústi­miz­degi jylǵy 21 maýsymda «Aq jol» QDP parlamenttik fraksııasy Premer-Mınıstrdiń atyna depýtattyq saýal joldap, onda Úkimet tarapynan arnaıy qarjy bólinip, Kenesarynyń bas súıegin Reseıden alyp kelýdiń jaıy alǵa tartylǵan edi. Fraksııa músheleri óz joldaýlarynda sondaı-aq belgili tarıhshylar men jazýshylardan isti atqaratyn jumys toby jasaqtalýy kerektigin jetkizipti.

Kúni keshe osyǵan oraı Úkimet basshysy óziniń naqty jaýabyn berdi. Premer-Mınıstrdiń jaýabynda: «Atalǵan másele elimizde júzege asyrylǵan «Mádenı mura» memlekettik baǵdarlamasynyń jáne budan tys ǵylymı zertteýler sheńberinde ózekti joba retinde zerdelengeni belgili. Mádenıet jáne aqparat, Bilim jáne ǵylym mınıstrlikteri, Astana qalasynyń ákimdigi júzege asyrǵan ekspedısııalar, resmı suraý joldaý sııaqty sharalardyń nátıjesinde Kenesary hannyń bas súıeginiń Reseıdiń tıisti mekemeleriniń eksponattary qatarynda tirkelmegeni týraly málimetter alyndy», – delingen.

Sonymen qatar, Serik Ahmetov jumys tobyn qurýdan buryn al­dyńǵy kezekte bas súıektiń orna­las­qan ornyn anyqtaý boıynsha ǵylymı zerdeleý jumystaryn jańǵyrtý jón ekendigin jetkizipti. О́z jaýabynda Serik Nyǵmetuly tıisti vedomstvolarǵa ulttyq tarıhty zerdeleý sharalarynyń sheńberinde usynysqa qoldaý kór­setý týraly tapsyrma berilgenin habar­lady.

Rasynda da dál qazir Kene­sa­ry­nyń bas súıeginiń naqty qaı­da jatqanyn eshkim bilmeıdi. Ázir­ge ol Ermıtajda nemese Kýnst­ka­me­rada tur degen eki túrli boljam bar. Demek, endigi birinshi mindet osy túıindi tarqatyp alý bolmaq.

Murat AITQOJA.